Nūr-Sūltanǧa jaŋa äkım Altai KÖLGINOVTIŊ keluımen äkımdıktegı mebelder men kreslolar da jaŋaryp jatyr. Kölgınov kele salyp kreslolar men mebelderge milliondar jūmsaudy josparlap otyr.
Qazaqstan Respublikasynyŋ memlekettık satyp alulary veb-portalyndaǧy mälımetke qaraǧanda, Astana qalasy äkımdıgı äzırge 4 dana «bastyq kreslosyn», 2 dana «basşy bölmesınıŋ jihazyn» satyp almaq. Osynyŋ özıne ketetın şyǧyn – 4 million teŋgege juyq.
Atap aitsaq, bastyq kreslosynyŋ är danasyna 210 myŋ 151 teŋge (210 151.78 teŋge); al basşy kabinetı üşın jihazdyŋ är danasyna 1 540 285 teŋge (1 540 285,71 teŋge) jūmsalmaq. Nätijesınde mebel auystyru üşın ǧana äkımdık 3 921 178,54 teŋge jūmsamaq bolyp otyr.
Ergonomikalyq pışındegı, biıktıgı 75 sm bolatyn üstel men üstelge qoiatyn tıreuış, mobildı qondyrǧynyŋ bölşekterı; şkaftar, t.b. – būlar «basşy kabinetıne arnalǧan mebelderge» jatady. Būl mebelderge qoiylatyn talaptar arnaiy qūjatta bekıtılgen.
Odan bölek kreslo. Kresloǧa qoiylatyn talaptyŋ negızgısı -- 120 kg deiın salmaq kötere aluy. Būl kreslolardyŋ naqty qai basşyǧa arnalǧany belgısız, dese de osy talap negızınde būǧan otyratyn tört şeneunıktıŋ de salmaǧy 120-dan aspaityny tüsınıktı. Mümkın, būl törteudıŋ bırı Kölgınovtıŋ özı boluy da mümkın. Mynadai talapqa sai kreslonyŋ qala äkımın erkın köteretını anyq.
Qūjattaǧy kresloǧa qoiylatyn talaptar mynadai:
«Botisellidıŋ DB-13 basşysyna arnalǧan kreslo – tıreuış mehanizmı joq, salmaq şekteulerı: 120 kg, negızı: aǧaş, jaqtau: monolittı emes, öndıruşı: Resei qolǧaptary: biıktıgı boiynşa retteu. Tauarlardyŋ kölemı 130 h 63 h 71, qorap mölşerı 94 x 80 x 65. Öndıruşı elı Resei. Maks 120 kg jükteu. Tüsı tapsyrys beruşımen kelısıledı».
Konkurstyq qūjattamaǧa satyp alynatyn tauarlardyŋ tehnikalyq erekşelıgı qysqaşa aitqanda şamamen osy. № 3484117-1 jäne № 3484304-1 satyp alu boiynşa jariialanǧan konkursty qala äkımdıgı qaşan aiaqtaityny belgısız. Öitkenı, şartta satyp alu men ony ornatu merzımı – «kelısımge säikes" ekenı körsetılgen.
Maqala "Jas Alaş" gazetınen alyndy
"Adyrna" ūlttyq portaly
