Teŋızdegı töbeles: Jaqsylyqov negızgı üş sebeptı atady

"KazService" mūnaiservistık kompaniialar odaǧynyŋ prezidium töraǧasy Raşid Jaqsylyqov Teŋız ken ornyndaǧy tärtıpsızdıkke türtkı bolǧan üş sebeptı atady, dep habarlaidy Sputnik Qazaqstan. Jaqsylyqovtyŋ aituynşa, bırınşı sebep – bas merdıger kompaniia bükıl jūmysty özı atqarǧysy kelgen. Iаǧni, otandyq submerdıgerlerdı tartpaǧan. "Qazaqstandyq kompaniialarmen jūmysty bölısken käsıporyndarda mūndai jaǧdai joq. Bıraq, būl jerde bas merdıger jūmysşylardy qaidan aldy degen zaŋdy sūraq tuyndaidy. Ol jūmyssyz otyrǧan otandyq kompaniialardyŋ jūmysşylaryn ailyǧyn azdap köterıp, özıne şaqyrǧan", - dedı ol Sputnik Qazaqstan  multimediialyq baspasöz ortalyǧynda ötken baspasöz mäslihatynda. Ekınşı sebep, aituynşa, şeteldık supervaizerler, qarapaiym tılmen aitqanda, injenerler.

"Būl qyzmettı atqaratyndardyŋ bärı – şeteldık. Iаǧni, on myŋǧa juyq qazaqstandyq qara jūmysty ısteidı, al olardy ekı jüzden astam şeteldık basqarady. Bırınşıden, olar tıl bılmeidı, mädenietten habarsyz, jūmysşy men joǧary sapaly maman arasyndaǧy bailanys üzıledı, saldarynan tüsınıspeuşılık paida bolady", - dedı prezidium töraǧasy.

Üşınşı sebep, mūnaiservistık kompaniialar odaǧynyŋ pıkırınşe,  submerdıger kompaniialar arasynda demping ūiymdastyru. "Kım eŋ tömengı baǧany ūsynady, jūmysty soǧan beremın degen. Osydan keiın otandyq kompaniialar eŋ tömengı baǧany beruge tyrysady. Būl degenımız, jalaqy, äleumettık qamsyzdandyru naşar degen söz. Mıne, osy sebepten jaǧdai qiyndap, soŋy dau-janjalǧa ūlasty", - dedı Jaqsylyqov. Ol qazır atalǧan oqiǧaǧa qatysty qūzyrly organdar tergeu jūmystaryn jürgızıp jatqanyn atap öttı. Arnaiy komissiia qūrylǧan, tergeu aiaqtalǧannan keiın, ken ornyndaǧy tärtıpsızdıktıŋ naqty sebebı belgılı bolmaq.

Teŋızdegı töbeles

Senbı, 29 mausym künı Teŋızdegı 3GI zauytynyŋ myŋǧa juyq jūmysşysy ereuılge şyqqan bolatyn. Būǧan äleumettık jelıdegı suret sebep bolǧan. Fotoǧa Liviia azamaty Eli Daud (Eli Daoud) pen qazaq qyzy bırge tüsken. Surettegı körınıstı namysqa tiedı dep eseptegen jūmysşylar ereuılge şyǧyp, arab qyzmetkerlerın soqqynyŋ astyna aldy. Jelıde jappai töbelestıŋ videolary tarala bastaǧan bolatyn. Jūmysşylar jabylyp, arab azamatyn soqqyǧa jyqqan. Būǧan deiın Işkı ıster ministrlıgı Teŋızdegı jaǧdai tūraqty ekenın habarlady. Oqiǧa ışkı ıster organdarynyŋ baqylauyna alyndy. Atyrau oblysynyŋ polisiia departamentı būzaqylyq faktısı boiynşa sotqa deiıngı tergeudı bastady. Consolidated Contracting Engineering & Procurement S.A.L. Offshore (CSER) kompaniiasynyŋ logistika jönındegı bas äkımşısı  Eli Daud dau tuǧyzyp, ereuılge sebep bolǧan foto üşın qazaqstandyqtardan keşırım sūrady.