Oral qalasynda aqyn, ustaz, jubantanýshy Úzildik Eleýbaevamen keremet kezdesý ótti. Kesh keıipkeri – bıyl 70 jasqa tolǵan «Eren eńbegi úshin» medaliniń ıegeri, sanaly ómiriniń baqandaı 42 jylyn urpaq tárbıesine arnaǵan ardager ustaz. Buǵan deıin osyndaı is-shara Juban Moldaǵalıev atyndaǵy oblystyq ámbebap- ǵylymı kitaphanada jáne Aqjaıyq aýdanynda ótken bolatyn. Oǵan qosa Qadyr saraıynyń ujymyna alǵysyn jetkizip, ómir joly, shyǵarmashylyǵy týraly sóz qozǵady.
Aqjaıyq eline abyroı men bedeli bar, áli de attan túspeı aýyl-eldiń, qala berdi qalalyqtardyń muńyn bilip, joǵyn joqtap júrgen janǵa eldiń peıili erekshe. BQO Mádenıet, tilderdi damytý jáne arhıv isi basqarmasy basshysynyń m.a T.Ǵabdýshev kesh ıesin quttyqtap, estelik syılyq jasap, ıyǵyna qazaqy naqyshtaǵy kıimdi japty.
Óz kezeginde Aqjaıyq aýdany ákiminiń orynbasary Baqbergen Ábýov te ustaz aqyndy aýdan basshylyǵy men aýdan halqy atynan quttyqtap, Úzildik Eleýbaıqyzynyń 70 jasyna arnalǵan is-sharalar jaz aılarynda da jalǵasatynyn atap ótti. Aqyn, Qazaqstan Jazýshylar odaǵynyń múshesi Talap Taımasuly qalamgerdiń jýyrda jaryqqa shyqqan «Boztorǵaıymyn dalamnyń» kitabyna engizilgen óleńderi jaıynda oı-pikirin ortaǵa salyp, «Toǵys» atty avtorlyq jınaǵyn tartý etti.
QR eńbek sińirgen ártisi, ánshi-termeshi, Sáýle Taýdaeva da Qadyr sahnasynda aqyn týraly jyly pikirlerin bildirse, Jazýshylar Odaǵynyń Oral Fılıaly tóraǵasynyń orynbasary Marlen Ǵılymhan óńirdegi barsha qalamgerdiń sálemin jetkizip, gúl shoqtaryn tabys etti.
Shara barysynda kesh ıesiniń sózine jazylǵan jáne basqa da taqyrypqa saı ánderdi Á.Qýanǵalıev, A.Bazarov, sonymen qatar "Áje sálemi" kvarteti shyrqap, belgili ánshi-kompozıtor E.Aqbasov Qadyr Myrza Áliniń sózine jazylǵan "Ómir" atty ánin oryndady.
