Almatyda elıtalyq turǵyn úı kesheniniń turǵyndary kúzetshini kóligimen janyshtap, artynsha ólimshe etip sabaǵan "kórshiniń" áreketine qatysty pikir bildirdi, dep habarlaıdy "Adyrna" tilshisi KTK-ǵa siltep.
Úlken megapolıstiń qaq ortasynda ornalasqan elıtalyq turǵyn úıde kúzetshi aıaýsyzdyqpen óltirilgen. 42 jastaǵy Nurbol Qaıypbaev alǵan jaraqattary saldarynan aýrýhanada kóz jumǵan.
Turǵyndardyń aıtýynsha, qaıǵyly oqıǵaǵa kúzetshi men kólik ıesiniń arasyndaǵy kıkiljiń sebep bolǵan. Kúdikti kólikti mas kúıinde aıdap qalaǵa shyǵýǵa tyryspaq bolǵan. Alaıda kúzetshi oǵan bul áreketiniń zańǵy qaıshy ekenin túsindirýge tyrysypty.
"Ol shyǵyp ketpek boldy. Qaqpadan shyqpaq boldy. Nurbol ony toqtatpaq boldy. Endi mas adam, jolǵa shyqsa qansha adamdy óltiredi. Nurbol ana jerge kóligin qoı dedi de, baryp shlagbaýymdy japty, qaqpanyń bireýin jaýyp, ekinshisin jaýyp jatqan kezde anaý qatty kelip úsh ret qaqty. Onyń aldynda syranyń shólmegimen dúńgirshekti shaqty", - dedi páter ıeleri kooperatıviniń dırektory Álııa Dosmaıylova.
Turǵyndardyń sózinshe, adam óltirdi degen kúdikke ilingen azamat ajyrasqan. Ol "Merkýr Taýnla" qart ata-anasymen birge turady. Sondaı-aq turǵyndar ol kórshiniń jıi janjal shyǵaratynyn aıtty.
Telearnanyń aıtýynsha, marqum Nurbol sol túni ashýǵa býlyqqan er adamdy ata-anasynyń ótinishi boıynsha kóshege shyǵarmaǵan bolýy múmkin.
"Tek osy bir er adam ǵana únemi shýlatyp júredi. Nashaqor, iship-shegedi. Keshe de iship-shegip alǵan. Oqıǵa áli kóz aldymyzdan keter emes. Asqan qatyngezdik qoı bul. Kúzetshi Nurbol únemi kúdikti azamatqa, onyń otbasyna, bárimizge kómektesip júretin. Qaskóı buǵan deıin osyndaǵy dıspetcherge soqqy jasaǵan. Talaı ret polıııaǵa jazǵanbyz. Ata-anasy memlekettik qyzmette jumys istegen, bilýimizshe burynǵy prokýrorlar. Ata-anasy ony únemi qorǵap alyp shyǵady", - dedi Danelıa Sartaı.
Kúdikti óz áreketinen soń joǵary qabattan da sekirmek bolypty. Kórshiler onyń esirtki qoldanatynyn da aıtty.
"Myna jaqta otyrdy, aıaǵyn salbyratyp. Qulaı ma eken dep men tań qalyp turdym. Birtúrli jigit. Esirtki jasyratyndar keletin. Myna qaqpany biz ne úshin qoıdyrdyq? Óıtkeni balalardyń oıyn alańyna esirtki qoıyp ketedi. Ony shyǵyp alady. Ár nárseni oǵan ákeledi, kóp buzaqylyq jasaıdy. Ata-anasyna da bir qıyndyqtar týǵyzady. Búkil kórishiler biledi", - dedi Anar Temirqulova.
Eske sala keteıik, kisi qolynan asqan qatygezdikpen qaza tapqan kúzetshiniń artynda áıeli men úsh balasy qaldy. Nurbol Qaıypbaev otbasynyń jalǵyz asyrýshysy bolǵan. Atalǵan turǵyn úı kesheninde ol eki jyldan beri 165 myń teńge aılyqqa jumys istep kelgeni de belgili boldy.
