Rompetrol mūnai kompaniiasynyŋ qyzmetkerlerı Qazaqstan Respublikasynyŋ Prezidentı Qasym-Jomart Toqaevqa aşyq hat joldady. Būl turaly Rumyndyq Gândul internet-basylymy jariialady, dep habarlaidy “Adyrna” ūlttyq portaly.
Aita keteiık, Rompetrol – “QazMūnaiGaz”-ǧa tiesılı rumyniialyq mūnai kompaniiasy. 2007 jyldan bastap Rompetrol KMG International negızgı brendı, kompaniianyŋ älemnıŋ bes elınde janarmai qūiu stansiialary jelısı bar. KMG International ielıgınde – Rumyniianyŋ ekı ırı mūnai öŋdeu zauyttary – Petromidia jäne Vega bar. Sondai-aq polimerler öndırıletın mūnai-himiia keşenı jūmys ısteidı. Sonymen qatar, kompaniia Moldova, Bolgariia jäne Gruziiada 1100-den astam sauda jelılerın basqarady.
Basylymnyŋ habarlauynşa, Rompetrol qyzmetkerlerı KMG International basşylyǧyn bılıksız jäne sybailas jemqorlyqqa jol berdı dep aiyptaidy. Aşyq hat Qasym-Jomart Toqaevtan bölek, Premer-Ministr Oljas Bektenovke, Energetika ministrı Almasadam Satqalievke, «Samūryq-Qazyna» AQ basqarma töraǧasy Nūrlan Jaqypovqa jäne QMG Basqarma töraǧasy Maqsūt Mirzaǧalievke joldandy.
“Kompaniia basşylyq qūramyn tübegeilı özgertudı jäne Jaŋa Qazaqstannyŋ maqsattaryna sai közqarasy bar direktorlar keŋesınen bastap, atqaruşy menedjmentke deiıngı barlyq deŋgeide jaŋa adamdardy tartudy talap etedı”, dep jazǧan basylym.
Aşyq hatta Rompetrol qyzmetkerlerı ūiymnyŋ basşylyǧyna da köŋılı tolmaitynyn jazady.
Aqparatqa säikes, Iliias Qūljanov Resei azamattyǧyna ie bolǧan, bıraq Europalyq Odaq tarapynan boluy mümkın sanksiialardan qūtylu üşın Rumyniia bilıgıne özınıŋ Qazaqstan azamaty ekenın aitqan. Veb-saitta KMG International basşysyna tiesılı Resei Federasiiasy azamatynyŋ şeteldık tölqūjatynyŋ fotosuretı bar.
Foto: Gândul
Sondai-aq, tılşıler “olar Novorossiiskıdegı KQK terminaly arqyly Rumyniiaǧa jetkızıletın qazaq mūnaiy teoriialyq tūrǧydan reseilık boluy mümkın” degendı alǧa tartyp otyr.
«Hat avtorlary Iliias Qūljanovty öte qabıletsız adam dep ataidy. Olardyŋ aituynşa, Rompetrol-da jaŋa top-menedjerler şyǧu tegı men tuystyq bailanysy boiynşa, naqty qūzyrettılık eskerılmei taǧaiyndalady. Al täjıribelı mamandar jūmystan ketuge mäjbür. Osyǧan bailanysty rumyndyq kompaniianyŋ nysandarynda apattar men jarylystar boldy», – dep keltırdı maqala avtorlary.
Sondai-aq, Rumyniia men Qazaqstan üşın strategiialyq maŋyzdy kompaniiada qarjylyq resurstardy iemdenu üşın sybailas jemqorlyq shemalary barlyq deŋgeide qoldanylatyny aityldy.
Aşyq hatta 2023 jyldyŋ qarjylyq nätijelerı kompaniianyŋ bankrotqa ūşyraǧanyn anyq körsetedı.
Rompetrol qyzmetkerlerı Qasym-Jomart Toqaevtan kompaniianyn saqtap qalu üşın şara qoldanudy sūrap, Rumyniia bilıgıne de osyndai ötınış jıberıletının habarlady.
Aita keteiık, KMG International kompaniiasynyŋ rumyniialyq enşıles ūiymy Rompetrol Rafinare 2023 jyly 270 million dollar şyǧynǧa batqan. Būl turaly kompaniia taratqan baspasöz habarlamasynda jazyldy.
Kompaniianyŋ 2023 jylǧy jalpy ainalym qarajaty 5,3 mlrd dollardy qūrady. Būl 2022 jylmen salystyrǧanda 19%-ǧa az. Operasiialyq paida (EBITDA) $201 mln, al taza nätije terıs (-270,5 mln dollar). Būl şyǧynnyŋ 82%-y (-223 million dollar) operasiialyq aktivterdıŋ qūnsyzdanuyna bailanysty boldy.
