Qazaqstan men Özbekstan temırjol salasynda bırlesken käsıporyn qūrmaq. Būl turaly bügın, 5 säuırde Hiua qalasynda ötken Qasym-Jomart Toqaev pen Özbekstan prezidentı Şavkat Mirziioevtıŋ beiresmi kezdesuı kezınde aityldy, dep habarlaidy «Adyrna» tılşısı.
«Ekı el basşylary öŋırdegı özara yntymaqtastyqty nyǧaitu üşın Qazaqstan men Özbekstannyŋ temırjol äkımşılıkterı arasynda bırlesken käsıporyn qūru turaly bastamaǧa qoldau bıldırdı. Būl bırlesken käsıporyndy qūrudaǧy maqsat: Qytai – Qazaqstan – Özbekstan baǧytyndaǧy jük tasymalyn ūiymdastyru üşın qazaq-qytai şekarasyndaǧy jäne Özbekstandaǧy jük terminaldaryn özara tiımdı negızde paidalanu»,—delıngen habarlamada.
Atalǧan joba ekıjaqty saudany jandandyryp, tauar tasymalynyŋ kölemın arttyruǧa yqpal etedı, sondai-aq oŋtüstık baǧyttaǧy jük tasymalyn ūlǧaituǧa qolaily jaǧdai tuǧyzady.
Bırlesken käsıporyn Transauǧan baǧytyn damytuǧa jūmyldyrylady.
