Shahtınsk qalasynda kópqabatty úıdiń balkonynan áıel adam qulap qaza tapty, dep habarlaıdy "Adyrna" tilshisi ekaraganda.kz-ke siltep.
8 sáýirde Shahtınsk qalasynda úıdiń segizinshi qabatynyń balkonynan áıel qulap ketken. Qaraǵandy oblysynyń Tótenshe jaǵdaılar departamentine polıııa qyzmetkerinen qońyraý tańǵy saǵat 9:08-de kelip túsken.
TJD habarlaýynsha, órt sóndirýshiler turǵyn úıge arnaıy tehnıkamen baspaldaq ornatyp jatqan. Alaıda olar áıeldi qutqaryp úlgermegen. Belgili bolǵandaı, balkonnan qulap ketken áıel 44 jasta bolǵan.
«8 sáýirde Shahtınsk qalasynda kópqabatty úılerdiń birinde 44 jastaǵy áıel joǵarǵy qabatta ornalasqan balkonnan sekirip ketken. Ol toǵyzynshy qabattan segizinshi qabattyń balkonyna qorshaý ústine kóterilip, sodan keıin sol jerden qulaǵan. Saldarynan ómirge sáıkes kelmeıtin dene jaraqatyn alyp, qaıtys boldy», - dep habarlady vedomstvodan.
Osy oqıǵadan taraǵan vıdeoda úıdiń aýlasynda arnaıy tehnıkanyń turǵany kórinedi. Onyń maǵaıynda birneshe qutqarýshynyń jaıbaraqat qımyldap júrgenin baıqaýǵa bolady. Ázárge oqıǵanyń jaı-japsary tolyq habarlanbady.
