Sorlylyq!
Şet eldık jūmysşylar bızden bes ese ailyq alady!
Qanşa jyldan berı osy problemany jazyp kele jatyrmyn. Bır de bır sait, bırde -bır telearna män bermegen edı. Tösın körsetken qyzdar şyqsa jarysa jazatyn saittar, bügın ǧana körgendei taŋdana jazuda!
Qazaq jıgıtterınıŋ, qazaq halqynyŋ qūqyǧy taptalyp jatqandyǧy, 2011 jyly bolǧan Jaŋaözen köterılısı osy teŋsızdıkten bastalǧan. Ol älı jalǧasyn tabuda. 2017 jylǧy Astanadaǧy ündıster men qazaqtardyŋ teke tıresıde osyndai teŋsızdekten bolǧan. Keşegı Atyraudaǧy Teŋız oqiǧasyda tübı äleumettık teŋsızdık!
Qyzylorda oblysyndaǧy "Sibu" qytai kompaniiasyndaǧy, maǧan aryzdanyp kelgen jıgıtterdıŋ barlyǧyn jūmystan şyǧaryp jıbergen. Sebebı olar öz qūqyqtaryn talap etken. Ailyqtaryn 60 myŋ teŋgeden 150 teŋge köterudı, " qytailar 4500 teŋgege tamaq jeidı,bız 950 teŋgege tamaq jeimız, Aigül äpke ädıldık qaida?"-degen edı. Aptaldai er azamattarmyzdyŋ basyn salbyratyp qoiǧan sorly jüie! Özımızdı özge eldıŋ aldynda ūltaraq qylǧan sorly zaŋ! Ūltymyzdy qaşanǧa deiın osylai qorlamaqşyŋdar?
Men de būndai şaǧymdar öte köp. Qazaq jıgıtterınıŋ basyn tömen salbyratyp qoiǧan būl bilıkke ne aituǧa bolady? "Qatyndaryŋa ie bolyŋdar"- deidı! Qatynyŋa qalai ie bolasyŋ,tabatyn ailyǧyŋ tamaǧyŋa jetpeidı. Aqşa sūrasaŋ, bilık auyzyŋnan ūrsa, üige kelseŋ "sen erkek emessıŋ, aqşaŋ joq tauyp jatqan"- dep qatynyŋ aiqailasa. Er azamattarymyz köterılmegende, kım köterıledı? Öz qūqyqtaryn talap etse, ūltarazdyq qozdyryp jatsyŋ dep taǧy qudalaidy! Sonda basyn qūmǧa tyqqan straustar siiaqty, er azamattarymyz eşteŋe sūramai otyra beru kerek pe? Eger üidegı erkek jaqsy ailyq alyp otyrsa, üidegı qatyndaryna ie bolatyn edı. Qūr jetıspeuşılık sol äieldı tüzge şyǧaryp, e qatynǧa, e bala şaǧaǧa ie bola almai otyrǧan joq pa?
Bükıl qazba bailyǧymyzdy bergenımız azdai, öz halqyn qūldyqqa berıp qoiǧan sorly el tek qana bız şyǧar!
Aigül Orynbek
"Adyrna" ūlttyq portaly
