Kókshetaýda Qazaq ǵylym akademııasynyń tuńǵysh prezıdenti, alǵashqy kásibı taý-ken ınjeneri, geolog-ǵalym Qanysh Imantaıuly Sátbaevtyń týǵanyna 125 jyl tolýyna oraı «Ómiri ónege» atty ǵylymı konferenııa ótti, dep habarlaıdy «Adyrna» ulttyq portaly.
Aqmola oblysy ishki saıasat basqarmasynyń málimetinshe, Qanysh Imantaıulynyń ǵylymı qyzmetiniń aýqymy zor, al Qazaqstannyń damýyna qosqan úlesine baǵa jetpeıdi. Jezqazǵanda 2 mıllıon tonnadan astam mys qorynyń iri ken ornyn ashqan da Qanysh Sátbaev.
Onyń basshylyǵymen Qazaqstannyń paıdaly qazbalar kartasy jasaldy. Mundaı kartalardy ázirleýdegi keshendi ádis geologııanyń jańa baǵyty — metallogenııanyń negizin qalady. Bir qyzyǵy, karta dáldikke muqııat tekserilip, ǵylymı ortada keńinen talqylanyp, sońynda eń senimdi dep tanyldy.
Ortalyq Qazaqstandaǵy sý tapshylyǵy máselesin sheshkende osy Sátbaevtyń jahandyq jobasy.
Taǵylymdy is-sharaǵa Aqmola oblysy ishki saıasat basqarmasynyń basshysy Almas Alın, E.A.Bóketov atyndaǵy QarMÝ-dyń «Otan tarıhy» kafedrasy meńgerýshisi, arheologııa, etnologııa ǵylymdarynyń PhD doktory Qanat Bódeev, qalalyq ardagerler keńesiniń tóraǵasy Shııap Álıev, Sátbaevtanýshy, qoǵam qaıratkeri Meırambek Qıyqov, «Qoǵamdyq damý ortalyǵy» KMM qyzmetkerleri, sondaı-aq, bilim ordalarynyń oqytýshy-ǵalymdary men stýdent-jastary jáne memlekettik mekemelerdiń ókilderi qatysty.
Konferenııada Qanysh Sátbaev tulǵasynyń jan-jaqtylyǵy keńinen qaýzaldy. Mysaly, 1935 jyly aımaqty zertteý barysynda ol erekshe jazýy bar tasty tapty. Keıinirek belgili bolǵandaı, ony XIV ǵasyrda Temirlan qaldyrǵan. Óz ekspedıııalarynda ǵalym halyq ánderin, óleńderin jazyp alyp, pedagogıkalyq qyzmetpen aınalysty, mektepterge arnalǵan Algebra oqýlyǵyn shyǵardy.
Qazirgi tańda elimizde bir qala, kóptegen kásiporyndar, oqý oryndary, qala kósheleri akademık Qanysh Sátbaevtyń esimimen atalady. Ǵalamshardaǵy kishkentaı planetalardyń biri de onyń esimi berilgen.
«Qanysh Sátbaevtyń adamı qasıetteri men azamattyq ustanymy, ǵalymnyń jarqyn beınesi barshamyzdyń esimizde máńgi qalary sóz.
Aty ańyzǵa aınalǵan tuǵyry bıik tulǵa Qanysh Imantaıulynyń uly esimi ǵylym jolyndaǵy izbasarlaryna árqashan úlgi-ónege bolyp, ulyqtala bermek!», - dedi Shoqan Ýálıhanov atyndaǵy Kókshetaý ýnıversıteti rektorynyń keńesshisi Amanbaı Seıitqasymov.
