Ajalmen betpe-bet keletın mamandyq ielerı az emes. Solardyŋ bırı – qūtqaruşy-süŋguırler. Su astyndaǧy tırşılıktı közben köretınderdıŋ negızgı mındetı äsemdıkke tamsanu emes, tılsız jaudan tırı jandy aman alyp qalu. Taŋdauy bıregei, daǧdysy bölek, bolmysy basqa, qaterge toly qyzmettı taǧdyrymen toǧystyrǧan Qasan Qasenov talaidy ajal auzynan alyp qalǧan ülken jürektıŋ iesı.
Taqyrybymyzǧa arqau, äŋgımemızge tūzdyq bolǧan, öz salasynyŋ saŋlaǧy Almaty oblysy Tötenşe jaǧdailar departamentı «Ört söndıru jäne avariialyq-qūtqaru jūmystary qyzmetı» memlekettık mekemesı Qonaev qalasy jedel-qūtqaru jasaǧynyŋ bas qūtqaruşysy bolyp eŋbek etedı.
Özınıŋ ömırın qaterge tıgıp, özgenı qūtqaratyn arda azamattyŋ būl qyzmetke kelgenıne 10 jylǧa juyqtaǧan. Ol joǧaryda atalǧan jūmys ornynda 2015 jyldan berı qyzmet etıp keledı.
Sanaly türde taŋdaǧan mamandyǧynyŋ ystyǧyna küiıp, suyǧyna toŋyp äbden ysylǧan. Ärıptesterı, «onyŋ täjırbiesıne teŋedeser eşkım joq» degen paiymda.
Asau tolqynmen alysu, aǧysy qatty suǧa qarsy jüzu, damylsyz qozǧalys , Qasan Asylbekūlynyŋ qyzmettegı är qadamyn sipattap tūrǧandai. Rasynda, tūŋǧiyǧyna deiın tūnyq körıngen sudan ajal qūşatyndar men qarmanyp baryp, talasyp-talyp qalypty ömırıne qaita oralatyndar bar, alaida, myŋdaǧan tereŋdıkten qaitadan su betıne şyǧuǧa süŋguırlerdıŋ kömegı kerek ekenı sözsız.
Auyzdyǧymen ala sūrǧan attai , buyrqanǧan teŋızderdı keşıp ötıp jürgen Qasan Asylbekūly «mamandyǧym qauıptı häm qyzyq» , deidı.
Auyzdyǧymen ala sūrǧan attai , buyrqanǧan teŋızderdı keşıp ötıp jürgen Qasan Asylbekūly «mamandyǧym qauıptı häm qyzyq» , deidı.
«Menıŋ mamandyǧymda emosiiaǧa oryn joq, salqyn oimen jūmys ısteu kerek. Tötenşe jaǧdailarda beitanys adamnyŋ ömırın saqtap qalu üşın qūtqaruşy tez arada dūrys şeşım qabyldauy maŋyzdy. Būl rette öz ömırıŋızge de abai bolu kerek »,-dep sözın sabaqtady keiıpker.Syrt közge tym mınsız, süŋguırdıŋ qyzmettık kiımı körgen közdı arbaityny, bar janardy jaulaityny taǧy bar. Bıraq, sūlbasy sūlu bolǧanymen, qyzmettegı qauıp pen qater şaş –etekten. Qauıp pen qaterge toly būl mamandyq şymyr boludy ǧana emes, psihologiialyq tūrǧydan bolattai berık, qatal, tıptı batyrǧa tän qasiettı talap etedı. Suǧa batyp bara jatqan jandy qas-qaǧym sätte, sanauly sekundtarda qūtqaryp qalu, suǧa ketken adamdy tübı körınbeitın bırneşe metrlık tereŋdıkten ızdeu, boiyŋdaǧy qorqynyş pen üreidı jeŋıp, denenı tauyp, alyp şyǧu – būl ekınıŋ bırı, egızdıŋ syŋary batyly jetıp atqara bermeitın ıs. Süŋguırler, su astyna tüspes būryn, ädette, arnaiy kiımnen bölek, arqasyna ottegı toltyrylǧan ballon bailaidy. Tereŋdıkke kedergısız boilau üşın ondaǧan kelı tartatyn temırlerdı de belıne taǧuy tiıs. Qysqasy, Qasan Qasenov ızdestıru jūmystaryna kırısken kezde öz salmaǧynan bölek 30 kelı jükpen suǧa süŋgidı.
«Auyr süŋguır jabdyqtaryn kigen qūtqaruşy suda zardap şekkenderdı qūtqaru jäne suǧa batqan adamdardy ızdeu üşın suyq suǧa tüsedı. Joǧalǧandy ūzaq jäne qauıptı ızdeu jūmystary jürgızıledı. Öitkenı, tereŋ sudyŋ astynda är basqan qadamyŋ qauıp töndıruı mümkın. Al kez kelgen ekstremaldy jaǧdaida tek özıŋe ǧana senu kerek. Süŋguır-qūtqaruşylardyŋ jūmysyndaǧy negızgı qiyndyqtardyŋ bırı - joǧary su qysymynyŋ denege äserı. Ülken tereŋdıkke süŋgu kezınde auyr auruǧa jäne tıptı ölımge äkeluı mümkın dekompressiialyq auru qaupı bar. Osyǧan bailanysty, bız süŋguırler dekompressiialyq erejelerdı qataŋ saqtauymyz kerek, süŋgudıŋ aldynda jäne suǧa tüskennen keiın arnaiy proseduralardy oryndauymyz kerek, su astynda auyr zattardy köterıp, jyljyta bıluımız kerek, sondai-aq qiyn aǧystar men küştı tolqyndar jaǧdaiynda, sondai-aq köru qabıletı tömen jerlerde jūmys ıstei bıluımız qajet. Qūtqaruşy-süŋguırge su astynda sürınuge bolmaidy», - dedı Qasan Asylbekūly.Kiımnıŋ salmaǧynan būryn, jauapkerşılıktıŋ jügın arqalǧan azamat , eldıŋ alǧysyna bölenuım mamandyǧymnyŋ mereiın asyruǧa, qyzmetıme degen qaltqysyz adaldyqty saqtauǧa negız degen pıkırde.
«Qūtqaruşy bolyp jūmys ısteu – menıŋ mındetım. Tūtqiyldan qauıp töngende abdyrap qalu, süŋguırlerdıŋ käsıbilıgıne ülken syn. Täjıribelı maman kez kelgen sätte özınıŋ käsıbi bılıktılıgın körsetedı. Sonyŋ nätijesınde adam ömırın saqtap qaluǧa bolady. Qūtqaruşy-süŋguır - eŋ sauapty mamandyqtardyŋ bırı. Qūtqaruşylar üşın eŋ jaqsy marapat – qūtqarylǧan adamdar men olardyŋ jaqyndarynyŋ alǧysy»,-dedı Qasan Asylbekūly.Ol özıne jüktelgen qyzmettık mındetterın ülken jauapkerşılıkpen atqarady. Käsıbi deŋgeiın ünemı jetıldırıp, alǧan bılımın kündelıktı jūmysynda ūtymdy paidalana bıledı. Köpşıl, bauyrmal Qasan myrza ärıptesterınıŋ arasynda ülken syiǧa ie. Bügıngınıŋ közsız batyrynyŋ bar bolmysy osyndai.
