BQO Tótenshe jaǵdaılar departamenti usynǵan aqparat boıynsha Jaıyq ózenin jaǵalaı ornalasqan Oral qalasy men Bórli, Báıterek, Terekti, Aqjaıyq aýdandarynda 84 eldi meken bar.
Bórli aýdanyndaǵy 9 eldi mekenniń ekeýinde ǵana sý basý qaýpi joq. Al Jarsýat, Dımıtrovo, Prıýralnyı, Oblavka, Býmakól, Bórli, Qanaı, Danııakól sekildi qalǵan jeti aýylda jaǵalaýdy bekitý jumystary júrgizilýde.
Báıterek aýdanyń 20 aýyly Jaıyq boıynda ornalasqan bolsa sonyń altaýynda sý basý qaýpi joq dep sanalǵan. Ózendi jaǵalaı ornalasqan 14 aýylda tasqynnyń aldyn alý jumystary qarqyndy júrgizilýde.
Terekti aýdanynda 7 eldi meken sý basý qaýpi bar aımaqta ornalasqan bolsa, 12 aýylǵa qaýip tónip turǵan joq. Bul aýdanda da barlyq saqtyq sharalary qolǵa alynýda.
Aqjaıyq aýdanynyń 31 eldi mekeni Jaıyq ózeni boıynda ornalasqan bolsa, sonyń 6 aýylyna qaýip joq. Qalǵan eldi mekender sý tasqynyn qaýipsiz ótkizý úshin barlyq saqtyq sharalary jasalýda.
Oblys ortalyǵy men úsh shaǵyn aýdandarynda da sý basý qaýpi tóngen. Sý tasý qaýpi bar Zachagansk, Krýglozernyı, Jelaev aýyldarynda ózen jaǵalaýlaryn bekitý jumystary qarqynda júrgizilýde.
Jalpy kóktemgi sý tasqynynyń aldyn alý maqsatynda oblys aýmaǵynda 56,1 shaqyrym ýaqytsha valdar soǵylyp, 60 myńǵa jýyq topyraq toltyrylǵan qaptar salynǵan.
