Grek-rım, erkin jáne áıelder kúresinen 15 jasqa deıingi jasóspirimder men 20 jasqa deıingi jastar arasynda Qazaqstan Respýblıkasynyń chempıonaty bastaldy.
Balýandar Egor Anchýgın (74 keli) pen Karım Abıtov (97 keli) altyn, Samır Dýrsýnov (65 keli) kúmis, Erhan Abıl (79 keli) men Sýnkar Seıdahmet (65 keli) qola júldeni jeńip aldy.
Erkin kúresten Almaty qalasynyń komandasy jalpy komandalyq 2-orynǵa ıe boldy.
Bul jarystar aldaǵy Azııa jáne Álem chempıonattaryna irikteý kezeńi retinde ótkiziledi.
- Birinshi oryn alǵan balýandar Qazaqstan Respýblıkasynyń sport sheberi ataǵyn alyp, ulttyq qurama sapyna alynady. Jarys birneshe kúnge sozylady. Biz álem jáne Azııa chempıonattarynda ózimizdi kórsetýimiz kerek, – deıdi erkin kúresten halyqaralyq dárejedegi tóreshi Berik Shalabaev.
Aıta keteıik, Petropavlovskta ótip jatqan chempıonatqa Almaty, Astana jáne Shymkent qalalary men Qazaqstannyń 17 oblysynan 2000-ǵa jýyq sportshy qatysýda.
