Batys Qazaqstan oblysynda sý tasqynyna qarsy qorǵanys qurylystaryn nyǵaıtý, sondaı-aq basqa da shuǵyl jumystardy júrgizý jáne sý tasqyny saldaryn joıý jónindegi is-sharalar jalǵasýda.
Olarǵa 7 895 adam jáne 1 781 birlik tehnıka, sonyń ishinde 1011 birlik arnaıy tehnıka jumyldyryldy.
Qazirgi ýaqytta Jaıyq ózeniniń jaǵasynda uzyndyǵy 100 shaqyrym bolatyn bóget jasaqtalyp, 771 myń qum toltyrylǵan qapshyq salyndy.
2024 jyldyń 16 sáýirdegi jaǵdaı boıynsha Jaıyq ózenindegi sý deńgeıi 776 sm-ge deıin jetti jáne sý deńgeıi áli kóterilýde. Ótken jyly eń joǵary deńgeı 557 sm bolǵan edi. Qaýipti deńgeı-850 sm.
Sý Reseı Federaııasynnan keledi, onda sý tasqynyna baılanysty Irıklın sý qoımasynan aǵyzý júrgizilýde. Naqtylanǵan aqparatqa sáıkes, Irıklın sý qoımasynyń sýyn Reseı Federaııasynan aǵyzý birtindep azaıyp keledi. Degenmen, oblysta sý basý qaýpi joǵary deńgeıde qalyp otyr.
BQO ákimdiginiń baspasóz qyzmeti
