Oral qalasynda özen jaǧalauynda «Taza Qazaqstan» jalpyūlttyq ekologiialyq aksiiasy aiasynda «Ekokvest» şarasy öttı. Is-şaranyŋ negızgı maqsaty – «Taza Qazaqstan» tūjyrymdamasynyŋ ideologiiasyn keŋınen nasihattau, jastar arasynda ekologiialyq mädeniet pen jauapkerşılıktı qalyptastyru, qorşaǧan ortaǧa ūqypty qarau qūndylyqtaryn därıpteu.
Şaraǧa qalamyzdyŋ belsendı jastarynan qūrylǧan toptar qatysty. Is-şara barysynda aldyn ala jasaqtalǧan toptar özen jaǧalaularyn qoqystardan tazarta jürıp, qyzyqty tapsyrmalar oryndau arqyly saiysqa tüstı.
Şaranyŋ aşyluynda Sarsenbaev Nūrsūltan Chapaevich, BQO Jastarmen jūmys jönındegı resurstyq ortalyǧy basşysynyŋ orynbasary:
«Bügıngı şaranyŋ basty mänı – jastarǧa “Taza Qazaqstan” ideiasyn dūrys tüsındıru jäne olardyŋ belsendı azamattyq ūstanymyn qalyptastyru. Ekologiialyq mädeniet – el bolaşaǧynyŋ sapasyn aiqyndaityn maŋyzdy faktor. Osy baǧytta jastardyŋ bastamalaryn qoldau – bızdıŋ negızgı mındetımız».
Kvest barysynda belsendı jastar öz oilaryn ortaǧa salyp, türlı baǧyttaǧy ekologiialyq mäselelerdıŋ şeşu joldaryn ūsynyp, ortaq talqylau alaŋyn qūrdy. Ekologiialyq volonterlık, jastar jobalary men bastamalardy qoldau mäselelerı de talqylandy.
Ūiymdastyruşylar mūndai şaralardyŋ aldaǧy uaqytta da jalǧasatynyn atap ötıp, öŋır jastaryn «Taza Qazaqstan» aksiiasy aiasyndaǧy ekologiialyq ıs-şaralarǧa belsendı qatysuǧa şaqyrdy.
