Ūlytau oblysynda respublikalyq «Taza Qazaqstan» ekologiialyq aksiiasynyŋ jaŋa kezeŋıne bastau beretın auqymdy ıs-şara ūiymdastyryldy. Aksiia aiasynda «Taza ölke – taza jer» bastamasy jüzege asyrylyp, onyŋ negızgı maqsaty – ekologiialyq mädeniettı qalyptastyru, qorşaǧan ortaǧa degen jauapkerşılıktı arttyru jäne tūrǧyndardy abattandyru jūmystaryna keŋınen tartu.
Is-şara barysynda Jezqazǧan qalasynyŋ jastary men eko-volonterlary qala köşelerın tazartu jūmystaryna belsendı qatysty.
Ūlytau oblysynda «Taza Qazaqstan» tūjyrymdamasyn ıske asyru jüielı türde jürgızılude. 2029 jylǧa deiıngı ıs-qimyl josparyna säikes öŋırde 43 ıs-şara qarastyrylǧan. 2025 jylǧa josparlanǧan 34 ıs-şaranyŋ 32-sı oryndalyp, 2-uı ötpelı retınde jalǧasuda. Onyŋ ışınde halyq köp jinalatyn oryndarda ekobokstar men fandomattar ornatu, sondai-aq biznestıŋ äleumettık jauapkerşılıgı boiynşa «Paryz» konkursyn «Ekologiiaǧa qosqan ülesı üşın» nominasiiasynda ötkızu közdelgen.
2025 jyly öŋırde 13 oblystyq jäne 17 qalalyq senbılık ūiymdastyryldy. Sonymen qatar «Taza beisenbı» aksiiasy tūraqty türde ötkızılude. Jalpy abattandyru jūmystaryna 87 myŋǧa juyq adam qatysyp, 1423 bırlık arnaiy tehnika jūmyldyryldy. Nätijesınde 8 myŋ tonnadan astam qoqys şyǧarylyp, 27 myŋnan astam aǧaş köşetı otyrǧyzyldy.
Būdan bölek, öŋırde «Taza jaǧalau», «Taza aimaq», «Möldır būlaq», «Tuǧan jer – altyn besıgım», «Jer saǧaty», «Taza qala», «Ülgılı auyl» syndy ekologiialyq bastamalar ıske asyrylyp, «ProEko» ekologiialyq jobalar baiqauy men «Tabiǧatty aiala» atty jas ölketanuşylar, ekologtar jäne naturalister forumy ötkızıldı.
2026 jylǧa arnalǧan josparǧa säikes 34 ıs-şara qarastyrylǧan, onyŋ ışınde bügıngı künge deiın 3 ıs-şara jüzege asyryldy. Barlyq jūmystardyŋ oryndaluy ai saiynǧy monitoring arqyly baqylauda. Būl olardyŋ sapaly ärı uaqytyly jüzege asuyn qamtamasyz etedı.
Atalǧan ıs-şaralardyŋ negızgı maqsaty – jas ūrpaqtyŋ ekologiialyq sanasyn qalyptastyru jäne qorşaǧan ortany qorǧauǧa degen jeke jauapkerşılıktı arttyru.
Ekologiialyq aksiia «Taza Qazaqstan» öŋır tūrǧyndaryn bırıktırıp, tabiǧatqa janaşyrlyqpen qarau mädenietın qalyptastyryp, halyqtyŋ ömır süru sapasyn arttyruǧa üles qosuda.
