Aqsai qalasynda qaita jaŋǧyrtudan ötken «Jastar» stadiony paidalanuǧa berıldı. Saltanatty räsımge oblys äkımı Nariman Töreǧaliev, tapsyrys berışıler men merdıger kompaniia basşylary, audan tūrǧyndary qatysty.
Aimaq basşysy jinalǧandardy el Täuelsızdıgınıŋ 35 jyldyǧy qarsaŋynda jaŋa keiıpke engen nysannyŋ aşyluymen qūttyqtady. Nariman Töreǧaliev būqaralyq sportty damytu, ūlt saulyǧyn nyǧaitu memleket saiasatynyŋ basym baǧyttary ekenın atap öttı.
- Memleket basşysy Qasym-Jomart Kemelūly Toqaevtyŋ tapsyrmasyna säikes öŋırımızde äleumettık infraqūrylymdy damytu baǧytynda auqymdy jūmystar atqaryldy. 2023–2026 jyldary jaŋa 132 äleumettık nysan paidalanuǧa berıldı. Onyŋ ışınde 24 sport nysany salyndy. Barlyq audan ortalyǧy men ırı auyldar dene şynyqtyru-sauyqtyru keşenderımen qamtyldy. Endı mūndai zamanaui nysandar şaǧyn eldı mekenderde boi köterıp jatyr. Qaita jaŋǧyrtylǧan «Jastar» stadiony jas sportşylardy jaŋa belesterge qanattandyratynyna senım mol, - dedı oblys äkımı.
Köpbeiındı keşen «KPO B.V.» kompaniiasynyŋ äleumettık mındettemelerı aiasynda qaita jaŋǧyrtyldy. Mūnda zamanaui sport zaly, FIFA standarttaryna sai futbol alaŋy, ūlttyq oiyndar jäne jattyǧu alaŋdary, jügıru joldary men ekstremaldy sport türlerıne arnalǧan arnaiy aimaq qarastyrylǧan. Jobany uaqytyly ärı sapaly atqarǧan merdıgerlık ūiym – «Qaldyǧaity» kompaniiasyna oblys äkımınıŋ alǧys haty tabystaldy.

Aimaq basşysy sport alaŋdaryn aralap, mekeme basşylyǧy, bapkerler jäne şäkırttermen tıldestı. Stadiondaǧy qūrmet taqtasyna börlılık älem chempiondary Temırlan Kölbai, Güldana Älmūhambetova, Meruet Bainiiazova, Mälık Mūqaşev jäne Azariia Hammidullinanyŋ suretterı qoiylyp, jetıstıkterı jazylǧan. Oblys äkımı būl bastamany oŋ baǧalap, aǧa-apalarynyŋ jolyn quatyn jas örenderge tyŋ serpın beretınıne senım bıldırdı.
Aita keteiık, «KPO B.V.» kompaniiasynyŋ äleumettık jäne infraqūrylymdyq jobalary aiasynda Aqsai qalasynda būdan bölek oŋaltu ortalyǧy, oquşylar jäne jastar saraiynyŋ qūrylysy da jürıp jatyr.
Ūqsas jaŋalyqtar
