Batys Qazaqstan oblysy Şyŋǧyrlau audanynda Bekbusinovtar otbasy köpke ülgı bolyp otyr. Sebebı, otbasynda mümkındıgı şekteulı jandar bolsa da, ömırge degen qūştarlyqtarynyŋ arqasynda taǧdyrdyŋ synaǧyna moiymai, alǧa ūmtylyp, köpşılıktı taŋǧaldyryp keledı. «Adyrna» ūlttyq portalynyŋ tılşısı Bekbusinovtar otbasymen tıldesıp, ömırge degen qūştarlyqtarynyŋ qūpiiasyn sūrady.
Bekbusinovtar otbasy Batys Qazaqstan oblysy Şyŋǧyrlau audany Aşysai auylynda tūrady. Otbasyda mümkındıgı şekteulı ekı bala bar, sonymen qosa otaǧasynyŋ özı Oraz Bekbusinov te osy sanatta, söileu-estu qabıletı tömen. Alaida oǧan qaramai qolyna alǧan ısın döŋgeletıp, azyn-aulaq malyn köbeitıp, jaz boiy şöbın şauyp, käsıbın döŋgeletıp otyrǧan jaiy bar.
Foto: Ülken ūly Tılegen men kışı ūly Arman
Foto: “Arman” şarua qojalyǧy
«1996 jyly qaraşa aiynda üilenıp, toidan keiın bölek şyqtyq. Alǧaşynda bız üşın qiyn boldy. Küieuımnıŋ memleketten beretın järdemaqasymen kün kördık. Alǧaşqy balamyz düniege kelgende quanyşymyzda şek bolmady. Alaida tūŋǧyşymyz Tılegenge DSP diagnozy qoiyldy. Sodan keiın türlı auruhananyŋ tabaldyryǧyn tozdyrdyq», - deidı otanasy Nūrgül.Ūlynyŋ tamyryn bailap, taǧdyryna qiyndyqtar äkelgen kesel – medisina tılınde serebraldy sal auruy (DSP) dep tüsındırıledı. Qazırgı medisina būl aurudy emdeuge qauqarsyz. Alaida 26 jastaǧy Tılegen ömırge qūştar. Anasynyŋ aituynşa, qazır äkesıne qolǧabys etude.
«Tūŋǧyş balam jūmys ıstegısı keledı. 9 bıtırgennen keiın programmist oquyn oqyp aldy. Ekı diplomy bar. Alaida mügedektıgı bolǧan soŋ, eşqandai mekeme jūmysqa almaidy. Maǧan «mama, men jūmys ıstegım keledı. Men pensiia emes, jalaqy alǧym keledı. Men barlyq jūmysty ıstei alamyn» degende ne aitarymdy bılmei qaldym. Biyl jūmyssyzdyqpen jūmysqa tūrdy. Jaqynda alǧaşqy jalaqysyn alyp, mäz bolyp jür», dep kürsındı Nūrgül.
Foto: Ülken ūly Tılegen men kışı ūly Arman
«Joldasym alǧaşynda barlyq jerge baryp, jūmys ızdep kördı. Küzetşı de boldy. Otbasy bolyp ketu üşın barynşa şydap, barlyǧynan ünemdedık. Men saudamen de ainalystym. Almatydan tauarlar alyp kelıp, satyp ta kördım. Qoldan atşana jasap, bır būzauǧa almastyryp aldyq. Alǧaşqy malymyz osy boldy. Jyl saiyn özge otbasylar soǧym soisa, bız mülde soǧym soimai, et te jemedık. Bır malymyz ekeu bolu üşın barymyzdy ünemdeuge tyrysyp, öistıp ülken şarua qojalyǧyna ainalyp otyrmyz. Şükır!», - deidı Nūrgül.«Arman» şarua qojalyǧynyŋ aşylǧanyna köp bola qoimasa da, qojalyqtaǧy mal sany artyp, örkendep keledı. Bügınde jiyrmaǧa juyq jylqy, jetpıske juyq ırı qara jäne ūsaq maldar bar. Odan bölek, bau-baqşa egıp otyr. Mümkındıgımız şekteulı dep, ükımetke alaqan jaimai, tiısınşe özgelerdı käsıppen qamtysaq degen oilary da bar.
Foto: “Arman” şarua qojalyǧy
«Ülken ūlym Tılegennen keiın, qyzym Äsem düniege keldı. Qūdaiǧa şükır, onyŋ denı sau. Qazır medisinalyq kolledjde oqidy. Al odan keiın 2008 jyly balam Arman düniege keldı. Ökınışke orai, ol daun sindromymen auyrady. Jasy on törtte bolsa da, ekı jasar bala tärızdı. Alǧaşynda därıgerler maǧan «ondai balany baǧa almaisyz» dedı. Men joq dep jürıp, alyp kettım. Balalarymdy tastau oiyma da kelmeidı. Armandy 7 jasqa kelgende mektepke de almady, mügedektık alyŋyz dedı. Men qolymnan kelgenın ısteuge tyrystym. Ärdaiym balalarymnyŋ baqytyn tılep, eŋbek etuge daiynmyn» , - deidı ana.Otbasynda üş bırdei mümkındıgı şekteulı jan bar bolsa da, Bekbusinovtar otbasynyŋ otanasy Nūrgül barlyǧyn özım jetkızemın dep otyr. Ol küieuımen surdo tılı arqyly söilesu üşın ony meŋgerıp te alǧan. Tabys tabu üşın keide surdo audarmaşy bolamyn deidı.
«Mümkındıgı şekteulı jandar bar bolsa da, olar qoǧamnyŋ müşesı. Eşqandai synaqqa moiymai, ömır süruge talpynu krek. Qolyŋnan keletın ıspen ainalyssaŋ, berekelı bolady», - deidı Nūrgül özı siiaqty mügedek bala ösırıp otyrǧan analarǧa şabyt berıp.
«Adyrna» ūlttyq portaly
Ūqsas jaŋalyqtar
