Batys Qazaqstan oblysy Qazaqstanda alǧaşqylardyŋ bırı bolyp memlekettık organdar, azamattyq qoǧam jäne tehnologiialyq serıktester Memleket basşysynyŋ «Zerdelı ūlt qalyptastyru» turaly Jarlyǧyn bırlesıp ıske asyruǧa köşken öŋırlerdıŋ qataryna endı.
1 şılde künı Batys Qazaqstan oblysy äkımdıgı men «Kıtap oqityn ūlt – Chitaiuşaia nasiia» qoǧamdyq qory yntymaqtastyq turaly memorandumǧa qol qoiyp, kıtap oqu mädenietın damytu jäne Respublikalyq kıtap oqu marafonyna daiyndyqty bastauǧa baǧyttalǧan ūiymdastyruşylyq, bılım beru, qoǧamdyq jäne tehnologiialyq resurstardy bırıktırdı.
Memorandumǧa qol qoiu Prezidenttık bastamany öŋırlık deŋgeide naqty ıske asyrudaǧy naqty qadam boldy. «Kıtap oqityn ūlt» jobasy aiasynda memleket, azamattyq qoǧam jäne tehnologiialyq serıktester arasyndaǧy jüielı özara ıs-qimyl jüiesı qalyptasuda. Būl jüienıŋmaqsaty — kıtap oqu mädenietın tūraqty qoǧamdyq daǧdyǧa ainaldyru.
Osy jüienıŋ maŋyzdy elementterınıŋ bırı — tehnologiialyq serıktes retınde Yandex Qazaqstankompaniiasynyŋ «Iаndeks Kıtaptar» servisınıŋ qatysuy. Būl platforma keŋ kölemdı sifrlyq kıtaphanaǧa tegın qoljetımdılıktı qamtamasyz etıp, jas erekşelıgıne, tūrǧylyqty jerıne jäne dästürlı kıtap resurstaryna qoljetımdılık deŋgeiıne qaramastan halyqtyŋ kıtap oquǧa tartylu mümkındıgın keŋeitedı. Osylaişa sifrlyq tehnologiialar «Kıtap oqityn ūlt» jobasynyŋ maŋyzdy infraqūrylymdyq bölıgıne ainaluda.
2026 jyly Qazaqstan Respublikasynyŋ Prezidentı «Zerdelı ūlt qalyptastyru turaly» Jarlyqqa qol qoiyp, kıtap oqu mädenietın damytudy memlekettık saiasattyŋ basym baǧyttarynyŋ bırı retınde aiqyndady. Qūjat kıtapty nasihattau, oqu daǧdylaryn damytu jäne kıtap oqu kündelıktı ömırdıŋ ajyramas bölıgıne ainalatyn jaǧdai qalyptastyru boiynşa ūzaq merzımdı jäne jüielı jūmysty közdeidı. Batys Qazaqstan oblysynda memorandumǧa qol qoiyluy osy strategiialyq mındettı jüzege asyrudaǧy alǧaşqy praktikalyq qadamdardyŋ bırı boldy.
«Kıtap oqu mädenietın damytu — elımızdıŋ bolaşaǧy üşın asa maŋyzdy mäsele. Memleket basşysynyŋ Jarlyǧy būl baǧyttaǧy jūmysty barlyq deŋgeide jüielı türde jürgızuge mümkındık berdı. Batys Qazaqstan oblysy bılım beru, mädeniet, kıtaphana jüiesı jäne azamattyq qoǧam äleuetın bırıktıre otyryp, oqudy är otbasynyŋ kündelıktı ömırınıŋ ajyramas bölıgıne ainaldyruǧa daiyn», — dedı Batys Qazaqstan oblysy äkımınıŋ orynbasary Qairjan Mendıǧaliev.
«Memleket basşysynyŋ Jarlyǧy būl baǧyttaǧy jūmysty barlyq deŋgeide jüielı sipatqa ie ettı. Bız “Kıtap oqityn ūlt” jobasyn memleket, azamattyq qoǧam jäne tehnologiialyq kompaniialar arasyndaǧy serıktestık modelı retınde qarastyramyz. Yandex Qazaqstan jäne “Iаndeks Kıtaptar” servisımen yntymaqtastyq jobanyŋ sifrlyq qūramdas bölıgın küşeitıp, oqyrmandar üşın kıtaptarǧa qoljetımdılıktı keŋeitedı jäne jeŋıldetedı.
Bızdıŋ missiiamyz — memleket, qoǧam jäne zamanaui tehnologiialardy bırıktıre otyryp, kıtap oqudy Qazaqstandaǧy jaŋa qoǧamdyq normaǧa ainaldyru. Osyndai ärıptestık kıtap oqu mädenietın adamdardyŋ kündelıktı ömırınıŋ tabiǧi bölıgıne ainaldyruǧa jäne eldıŋ ziiatkerlık damuyna berık negız qalyptastyruǧa mümkındık beredı», — dedı «Kıtap oqityn ūlt – Chitaiuşaia nasiia» qoǧamdyq qorynyŋ atqaruşy direktory Aian Saqoşev.
Negızgı bastamalardyŋ bırı — «Kıtap oqityn ūlt» respublikalyq kıtap oqu marafony. Būl auqymdy joba oquşylardy, studentterdı, pedagogtardy, ata-analardy, aǧa buyn ökılderın jäne kıtapty bılım men damudyŋ közı retınde qabyldaityn barlyq azamattardy bırıktıredı.
Aldaǧy uaqytta öŋırde jobany ıske asyrudyŋ daiyndyq kezeŋı bastalady. Öŋırlık jobalyq ofis qūrylyp, bılım beru jäne mädeniet ūiymdarynda üilestıruşıler taǧaiyndalady, qatysuşylardy tırkeu jäne oqylǧan kıtaptardy esepke alu üşın sifrlyq platforma ıske qosylady. Auyldyq jäne şalǧai eldı meken tūrǧyndaryn qamtuǧa erekşe nazar audarylady.
«Kıtap oqityn ūlt – Chitaiuşaia nasiia» qoǧamdyq qory Qazaqstanda tūraqty kıtap oqu mädenietın qalyptastyruǧa jäne kıtapty ılgerıletuge baǧyttalǧan jalpyūlttyq bastamalardy ıske asyru üşın qūrylǧan. Qol qoiylǧan memorandum Qor men Batys Qazaqstan oblysy äkımdıgı arasyndaǧy «Kıtap oqityn ūlt» jobasyn jüzege asyrudaǧy ūzaq merzımdı ärıptestıktı bekıtedı.
