Jambyl oblysynyŋ Şu audanynda polisiia maiorynyŋ mürdesı tabyldy. Keude tūsynan pyşaq jaraqatyn alǧan poliseidıŋ denesı örtelgen eken, dep habarlaidy Stan.kz aqparat agenttıgı .
Basylym mälımetınşe, belgısız äiel Jaisaŋ aulynyŋ şetınde mürde jatqanyn telefon arqyly habarlaǧan. Oqiǧa ornyna jetken poliseiler özderınıŋ ärıptesı – Qordai audandyq polisiia bölımı jergılıktı polisiia qyzmetınıŋ ūiymdastyru-saraptamalyq jūmystar tobynynyŋ 30 jastaǧy inspektory, ekı balanyŋ äkesı Baǧdat Mämıleevtıŋ örtengen denesın körıptı.
Onyŋ jeke kuälıgı men qyzmettık kuälıgı tūlǧasyn kuälandyrdy. Sonymen qatar qūjattar jatqan pakette ūialy telefon, quattandyrǧyş, azdaǧan aqşa, djinsy şalbar, ekı jeide jäne auystyratyn kiımderı bolǧan. Zattar salynǧan paket mürdeden 10 metr jerde jatqan.
Sondai-aq, poliseidıŋ 3 jyl būryn jol-kölık apatynan alǧan jaraqatynyŋ ızı onyŋ tūlǧasyn anyqtauǧa mümkındık berıptı.
Basylym mälımetınşe, poliseidıŋ ölımıne ūrlyq nemese qaraqşylyq sebep boluy mümkın emes. Kerısınşe jaǧdaida, qylmysker ūialy telefon men aqşany ūrlap keter edı.
«Onda qandy qylmysqa ne sebep boldy? Poliseidı pyşaqtap, artynşa örtep, mürdesın adamdar köretın jerge tastap ketude äldeqandai qarsylyq bıldıru bar. Jambyl oblystyq polisiia basşylyǧy pıkır bıldıruden bas tartyp otyr. Dese de būl oqiǧany aşuǧa barlyq polisiia küşterı jūmyldyrylǧany anyq», - delınedı basylymda.
