Singapurdy otyz bır jyl basqarǧan Li Kuan Iý 1990 jyly alpys jetı jasynda qyzmetten ketuınıŋ sebebın osylai tüsındırgen:
"Tızgındı taǧy bır on jyl eşkımge bermegenımde aldymyz – apat, artymyz opat bolar edı"
Eger sız öz aryŋyzdyŋ aldynda taza bolsaŋyz, eger sız öz jauapkerşılıgıŋızdı bilıktıŋ qūraly dep esepteseŋız, erte me, keş pe, äĭteuır, bır künı bärıbır ketuge tura keledı. Uaqytynda oryn bosatu da liderlıkke jatady. Avtor Singapurdy otyz bır jyl basqarǧan Li Kuan Iý myrzany mysalǧa keltıredı. Ol 1990 jyly alpys jetı jasynda qyzmetımen qoş aĭtysty. Kıtap avtoryna bergen sūhbatynda Li özınıŋ qiyn taŋdau aldynda bolǧanyn aĭtqan: «Bylaĭ ǧoĭ, bilıkte taǧy bes jyl otyrdym delık... Onymen ne däleldemekpın? Küş-quatymnyŋ älı de bolsa mol ekenın be? Qabıletımnıŋ älı de jetkılıktı ekenın be?
Odan ne şyǧady älde bilıkten ketıp, jüĭenıŋ būrandalaryn bosatyp, eldı jaŋa liderge tapsyryp, ükımettı qaĭta qūryp, basşylyq oryndardy qaĭta qarap, qalyptasqan jüĭenıŋ mül- tıksız jūmys atqaruyna järdemdessem be eken? Bırınşı jol tek densaulyǧymnyŋ myqty ekenın däleldemek. Ekınşı jol özıme de, elıme de, ükımetke de orasan paĭda keltırıp, mensız de jūmys ısteĭtın ükımet bar ekenın däleldemek. Jaŋa liderler bügıngı aĭnymaly, tez özgerıp jatqan tehnologiialy zamanda jas ūrpaqqa ne qajet ekenın jaqsy bıledı. Bärı de basqaşa boluǧa tiıs. Aĭtalyq, tızgındı taǧy bır on jyl eşkımge bermedım delık. Olaĭ etsem, aldymyz – apat, artymyz opat bolar edı».
Vaşingtonnyŋ qoştasu xaty
Qūrama Ştattardyŋ halqy alǧaşqy prezidentı Djordj Vaşingtonnyŋ otstavkaǧa ketkenın qalamady. Jūrt Vaşingtonnyŋ prezident mındetın jalǧastyra bergenın qalady, tıptı keĭbırı onyŋ patşa bolǧanyn qūp kördı. Özıne degen zalaldy täueldılık pen baǧynyştylyqty boldyrmau üşın Vaşington ekınşı merzımı bıtken soŋ ökılettıgın jalǧastyrudan bas tartyp, Amerika halqyna qozǧau salar hat jazyp qaldyrdy. Būl hat tarihta «Vaşingtonnyŋ qoştasu haty» degen atpen belgılı. Öz hatynda Vaşington jaqynda ǧana qūrylǧan Qūrama Ştattardyŋ qūndylyqtary jönınde, osy qūndylyqtar men prinsipterdı saqtau jäne qūrmetteu qajettıgın aĭtqan. Ol zaŋmen belgılengen uaqytta qyzmetten ketıp, jalpy jūrttyŋ nazaryn jeke basyna emes, ırgesın özı qalaǧan idealdardy saqtap qaluǧa audardy.
Şyŋǧys Mūqannyŋ Fb paraqşasynan
