«Atamura» korporaııasynyń prezıdenti, baspager Raqymǵalı Qul-Muhammed sý tasqynynan zardap shekken aımaqtarǵa demeýshilik jasap, óz qaltasynan 10 mıllıon teńge aýdardy, dep habarlaıdy “Adyrna” ulttyq portaly.
“Elimizdiń biraz óńirin sý basyp, halqymyzdyń basyna aýyrtpalyq túsip, qatty qıyndyq kórip jatqany meni de alańdatyp otyr.
Osy bir qıyn kúnderde ózderińizben birge ekenimdi bildirip, tabıǵat apatynan zardap shekken baýyrlarymyzǵa demeýshilik jasap, óz atymnan 10 mln teńge aýdaryp, kómek kórsetýdi jón sanadym.
Halqymyzǵa Alla sabyr men tózim, birlik pen bereke bersin! Qıyndyqtan tezirek shyǵýlaryńyzǵa tilektespin! Elimiz aman, jurtymyz tynysh bolsyn”, dep jazdy Raqymǵalı Qul-Muhammed.
