Búgin Qaztalov aýdanynyń ákimi Aslanbek Sarqulov №11órt sóndirý bóliminiń órt sóndirýshi–qutqarýshy Merjan Janǵalıevti qabyldady.
30 jastaǵy qutqarýshy 13 sáýir kúni Ájibaı aýylynda 1 jastaǵy Iasmına esimdi qyz balany ajaldan arashalady. Kenjınder áýletiniń kenjesi aýladaǵy ájethanaǵa túsip ketip, kórshisi Merjan Janǵalıev oqıǵa ornyna jetip, sábıdi ólim aýzynan qutqaryp qalady. Kezekti eńbek demalysyndaǵy órt sóndirýshi-qutqarýshy abaısyzda ájethanaǵa túsip ketken búldirshindi aman-esen alyp shyǵyp, alǵashqy medıınalyq kómek kórsetken. Qazirgi tańda búldirshinniń densaýlyǵy birqalypty.
Aýdan ákimi qutqarýshyǵa rızashylyǵyn bildirip, alǵys hatpen marapattady.
-Óz qyzmetin adalynan atqarǵan Merjan Mıramulynyń áreketi barshamyzǵa úlgi. Jumys ýaqyty bolmasa da, ózgeniń ómirin aldyńǵy orynǵa qoıyp, qutqaryp, alǵashqy kómek kórsetkenine biz bek qýanyshtymyz. Eńbegińiz elenip, qyzmetińiz arta bersin!, -dedi aýdan ákimi.
Merjan Mıramuly — Birik aýyldyq okrýgine qarasty Ájibaı aýylynyń týmasy. Qazaqstan Respýblıkasy Tótenshe jaǵdaılar mınıstrligi Batys Qazaqstan oblysy Tótenshe jaǵdaılar departamentiniń «Órt sóndirý jáne avarııalyq-qutqarý jumystary qyzmeti» QR memlekettik mekemesiniń órt sóndirýshi-qutqarýshysy bolyp qyzmet atqarýda.
