Senat deputaty Bibıgül Jeksenbai prezident Qasym-Jomart Toqaev qol qoiǧan «Qazaqstan Respublikasynyŋ keibır zaŋnamalyq aktılerıne densaulyq saqtau mäselelerı boiynşa özgerıster men tolyqtyrular engızu turaly» zaŋǧa qatysty pıkırın bıldırdı, dep habarlaidy «Adyrna» tılşısı.
«Ūlttyq Qūryltaida köterılıp, qoǧamdyq ülken talqylaudan ötken taǧy bır asa maŋyzdy mäsele zaŋmen bekıtıldı.
Memleket basşysy «Qazaqstan Respublikasynyŋ keibır zaŋnamalyq aktılerıne densaulyq saqtau mäselelerı boiynşa özgerıster men tolyqtyrular engızu turaly» Qazaqstan Respublikasynyŋ Zaŋyna qol qoidy.
Zaŋda şeguge kelmeitın temekı önımderın, veipterdı, hoş iıstendırgışterdı jäne olarǧa arnalǧan sūiyqtyqtardy satuǧa, taratuǧa, sondai-aq olardy jarnamalauǧa tyiym salu qarastyrylǧan. Sonymen bırge, jastar arasynda qūramynda nikotinı bar zattardyŋ taraluynyŋ aldyn alu jäne oǧan qarsy küresu üşın jüielı şaralar qabyldauǧa Zaŋ mümkındıkter beredı. Būl zaŋ arqyly öskeleŋ ūrpaqtyŋ densaulyǧyn saqtau baǧytynda memlekettık keşendı qadam jasalyp otyr.
Özderıŋız bıletındei, keşegı pandemiia kezınde aq halatty abzal jandar öz ömırlerın qaterge tıge är nauqastyŋ jany üşın küreske şyqty. Medisina mamandarynyŋ qoǧamdaǧy maŋyzdylyǧy kün saiyn artyp keledı. Alaida, sailauşylarmen kezdesu barysynda däl osy medisina mamandarynyŋ tarapynan qūqyqtyq-qarjylyq mäseleler jiı köterıledı. Onyŋ bırsypyrasyn özım de deputattyq saual türınde Ükımetke joldaǧan da edım.
Memleket basşysy qol qoiǧan Zaŋ medisina qyzmetkerlerın qūqyqtyq jäne qarjylyq tūrǧydan qorǧau jüiesın engızuge jäne olardyŋ jauapkerşılıgın arttyrady»,—dedı ol.
