Aqtaýda 18 jastaǵy qyz eki dosymen otyrysy kezinde 4-shaǵyn aýdanda besinshi qabattan sekirip ketken. Bul týraly Lada portaly jazdy, dep habarlaıdy “Adyrna” ulttyq portaly.
Aqparatqa súıensek, oqıǵa 16 sáýir kúni túnde oryn alǵan. Kýágerlerdiń aıtýynsha, qulaǵannan keıin qyz biraz ýaqyt shok kúıinde bolǵan. Tipti turýǵa tyrysyp, jedel járdem kómeginen bas tartqan. Dárigerler aýyr jaraqat dıagnozyn qoıyp, jábirlenýshini Mańǵystaý oblystyq aýrýhanasyna jetkizgen.
"Jaǵdaıy aýyr dep baǵalandy. Naýqas mehanıkalyq jeldetý arqyly tynys alyp jatyr. Dıagnoz: aralas jaraqat, bas mıynyń jabyq jaraqaty, mıdyń shaıqalýy, keýde qýysynyń jabyq jaraqaty, oń jaqta qabyrǵanyń jabyq synýy, oń jaqta gemopnevmotoraks, ishtiń jabyq jaraqaty, baýyrdyń jyrtylýy, oń jaq myqyn qanatynyń jabyq synýy, oń jaq bilektiń jabyq synýy", - dep habarlady Mańǵystaý oblystyq aýrýhanasynyń baspasóz qyzmeti.
Qaıǵyly oqıǵa kezinde jábirlenýshi eki dosymen birge bolǵan. Kýágerlerdiń aıtýynsha, ol besinshi qabattan qulaǵan.
Polıııa departamenti qazir óz-ózine qol jumsaýǵa deıin ıtermeleý faktisi boıynsha qylmystyq is qozǵalǵanyn habarlady.
