Qazaqstandyq tennısshi Elena Rybakına álemniń birinshi raketkasyn utyp, Germanııadaǵy týrnırdiń fınalyna shyqty, dep habarlaıdy “Adyrna” ulttyq portaly Qazaqstan tennıs federaııasynyń baspasóz qyzmetine siltep.
«Qazaqstan áıelder quramasynyń kóshbasshysy Elena Rybakına Germanııanyń Shtýtgart qalasynda ótip jatqan WTA-500 týrnıriniń jartylaı fınalynda tórt «Úlken dýlyǵa» týrnıriniń jeńimpazy polshalyq Iga Shvıatekten basym tústi. Oıyn 6:3, 4:6, 6:3 esebimen qazaqstandyq oıynshynyń paıdasyna aıaqtaldy», - delingen senbi kúni taratqan habarlamada.
Tennısshiler kortta 2 saǵat 49 mınýt oıyn órnegin kórsetti. Al qarsylastarymen jeke kezdesýlerde Elena 4:2 esebimen alda keledi.
Shtýtgarttaǵy týrnırdiń mansabyndaǵy alǵashqy fınalynda Rybakına Marketa Vondroýsova (Chehııa) - Marta Kostıýk (Ýkraına) arasyndaǵy kezdesýdiń jeńimpazymen oınaıdy.
