Suqbat barysynda "Baltabektiń shamadan tys semirip ketýine, onyń júıkesiniń tozýyna onyń aıyqpas dertke ushyraýy sebep kórinedi. Bar-joǵy 1,5 jyl ýaqyty qalypty" degen sybysqa qatysty da suraq qoıyldy.
Bolat Nazarbaevty Báıterekke, Qasym-Jomart Toqaevty Temirqazyqqa teńep, óleń shyǵarǵan Baltabek Nurǵalıevke áleýmettik jelilerde ózine qatysty jazylǵan aıyptaýlar men dattaýlar janyna qatty batyp, júregin aýyrtady eken. Bul týraly ol "Ýaqyt kórsetedi" baǵdarlamasyna bergen suqbatynda aıtty, dep habarlaıdy Zakon.kz.
Onyń pikirinshe, ol óz baǵasyn biletin, tiline 18 ǵalamdy syıdyrǵan aqyn eken.
"Áleýmettik jelilerde meni jerden alyp, jerge salyp jatady. Kezdeskende de betime aıtady. Qarǵap-silep, aıtylǵan kir sózder adam balasyn kishkene qajytyp jiberedi. Men sodan sharshadym... Biraq meniń óleńderimniń barlyǵy poetıkalyq turǵyda, ádebıet teorııasy men ádebıet tarıhynyń sheńberindegi dúnıeler. Men bilimnen, teorııadan, tarıhtan attap, eshteńe jasap jatqan joqpyn.Elbasyǵa arnap óleń shyǵarǵanym ras. Elbasymyzdyń inisi Bolat Nazarbaevqa da óleń arnap, kitaptar jazǵanym da ras. Ol kitapty óz dárejesinde jazyp shyqqanym da ras. Maǵan jazǵan kitabym unaıdy. Ony shyǵarmashylyǵymnyń bir bıik belesi dep kóremin. Shapyrashty dep bólip qaraýǵa bolmaıdy. Bárimiz bir qazaqpyz ǵoı. Azbyz. Bir-birimizdi maqtamaǵannyń esh sókettigi joq dep oılaımyn.
Bolat Nazarbaevtyń óte muqtaj adamdarǵa únemi qol ushýyn berýi meniń júregimdi eljiretti. Meniń kitap jazýdaǵy basty sebebim osy. Jaqsynyń jaqsylyǵyn aıt nury tasysyn degen bar ǵoı", - deıdi ol.
Sondaı-aq aqyn óz suqbatynda ómirinde aqsha jaǵynan eshqashan tarshylyq kórmegenin de aıtty.
"Óleń meni óltirgen joq. Maǵan únemi tapsyrystar túsip turady. Sondyqtan qaıyr surap júrgen adam emespin. Men birjaqty aqyn emespin. Men jazǵan óleńder kóp. Biraq men bir kisige óleń arnasam, meni solaı ǵana jazatyn aqyn dep oılap qalady. Bul durys emes. Máselen, Kenesary batyr týraly óleńim bar, onymen júlde de alǵam. Tóle bı, Beket ata, Iassaýı babamyz týraly da óleńderim bar. Men Ábish Kekilbaevtyń, Esenbaı Dúısenbaevtyń, Qadyr Myrzaáliniń, Farıza Ońǵarsynovanyń shákirtimin. Báriniń batasyn alǵanmyn. Men óz baǵamdy biletin adammyn. Kórip otyrǵan adamdar bilsin, meniń tilime 18 myń ǵalam syıyp ketken... Aqyndar meni moıyndamaıdy degenińiz qate. Meni joqqa shyǵaryp, bir aqyn osy kúnge deıin maqala jarııalaǵan emes", - deıdi aqyn.
Suqbat barysynda Baltabektiń shamadan tys semirip ketýine, onyń júıkesiniń tozýyna onyń aıyqpas dertke ushyraýy sebep kórinedi. Bar-joǵy 1,5 jyl ýaqyty qalypty" degen sybysqa qatysty da suraq qoıyldy. Aqyn bul sózdi joqqa shyǵardy.
- Ol ótirik. Biraq maǵan qarsy qatty dýalar jasalǵan. Aýyrǵanym ras. Daýysym joǵalyp, jazý qabiletim de joǵalǵany ras. Másele bul arada qarajatqa tirelip turǵan joq. Batpandap kirgen aýrýdyń mysqyldap shyǵatyndyǵynda bop tur. Qazir emdeldim, densaýlyǵym myqty dep esepteımin, - dedi bul saýalǵa jaýabynda ol.
"Adyrna" ulttyq portaly
