«Robotek» kompaniiasy «TechnoWomen Asia-men» elımızde «Super 100!» bıregei jobasyn bastady. Onyŋ aiasynda jazǧy mektep aşylyp, jüzden astam qyz bala baǧdarlamalau jäne qūrastyru boiynşa sabaq alady.
– «Super 100!» missiiasy – oquşy qyzdardy STEM bılımıne baulu, aqparattyq tehnologiialarǧa, robototehnikaǧa, injeneriiaǧa jäne jasandy intellektke degen qyzyǧuşylyqty oiatu. Qazaq jäne orys tılderındegı tegın kurstar sūranysqa ie bolady dep ümıttenemız. Bızdıŋ joba qyzdarǧa bolaşaqqa alǧaşqy ärı senımdı qadam jasauǧa, mamandyq taŋdauǧa, otandyq ziiatkerlık tehnologiialardy jasauǧa kömektesedı», – dep atap öttı «Robotek» kommersiialyq emes qory Qamqorşylyq keŋesınıŋ töraǧasy Diana Düisenova.
Bügıngı taŋda zamanymyzdyŋ strategiialyq basymdyǧynyŋ bırı –sifrlyq şyndyqqa näzık jandylardy tartu. Olar üş ǧasyr boiyna älemdık IT trendterdı alǧa tartyp keledı. Mysaly, Ada Lavleis 19 ǧasyrda esepteu maşinalarynyŋ algoritmderın jazǧan adamzat tarihyndaǧy alǧaşqy baǧdarlamaşy retınde belgılı, AQŞ Äskeri-teŋız küşterınıŋ kontr-admiraly Greis Hopper kompiuterlık baǧdarlamalaudy jasady, Hedi Lamarr zamanaui Wi-Fi men Bluetooth-dıŋ anasy degen atqa ie. «Super 100!» avtorlary jobaǧa qatysuşylardyŋ arasynda Qazaqstandy älemge tanytatyn sifrly ambassadorlar bolatynyna senımdı.
IT älemındegı äielderdıŋ maŋyzdylyǧyn Mädeniet jäne aqparat ministrı Aida Balaeva «TechnoWomen Asia» qatysuşylaryna alǧysözınde erekşe atap öttı:
— Bügınde IT älemındegı äiel eşkımdı taŋ qaldyrmaidy. Bedeldı älemdık sarapşylardyŋ boljamdary boiynşa, 2030 jylǧa qarai IT äielder üşın qarapaiym mamandyqqa ainalady. Bızdıŋ missiiamyz – sifrlyq daǧdylardy ılgerıletu, sifrlyq biznestegı äielder käsıpkerlıgın qoldau jäne äielderdıŋ sifrlyq ekonomikaǧa senımı men qabıletın damytu üşın biznestı basqaru boiynşa oqytudy nasihattau.
«Super 100!» tülekterı «Technogirls» baǧdarlamasy aiasynda No Code, Low Code jäne Beta Career siiaqty salalarda sifrlyq bılım berudı jalǧastyrady, sonymen qatar otandyq jäne şeteldık kompaniialarda taǧylymdamadan ötedı dep josparlanuda.
Mira Alipinova
