Mädeniet jäne aqparat ministrı Aida Balaeva būrynǧy ūlttyq ekonomika ministrı Quandyq Bişımbaevtyŋ sotyna reseilık jurnalist Kseniia Sobchaktyŋ keluıne qatysty pıkır bıldırdı. Būl turaly ol mäjılıs kuluarynda BAQ ökılderınıŋ sūraǧyna jauap bere aitty, dep habarlaidy “Adyrna” ūlttyq portaly.
Aida Balaeva sotqa reseilık jurnalist Kseniia Sobchaktyŋ keluıne rūqsat bermegenın aitty.
«Ärine joq», - dep jauap berdı Balaeva jurnalister Kseniia Sobchaktyŋ sapary kelısıldı me degen sūraqqa.
Jurnalist Ainūr Qoskina Sobchaktyŋ keluıne bailanysty bızdıŋ jurnalisterdıŋ sot ǧimaratyn ainalyp ötuıne kedergı bolǧanyn habarlady.
BAQ ökılı ministrge «Bügın eks-ministr Quandyq Bişıbaevtyŋ sotyna reseilık telejürgızuşı Kseniia Sobchak keldı. Būl Mädeniet jän aqparat ministrlıgımen kelısımı boldy ma? Şeteldık jurnalist retınde oǧan basymdyq berıldı me? «degen saual joldady. Vedomstvo basşysy Aida Balaeva būl aqparatty BAQ aqparat taraǧannan keiın bılgenın aitty. «Mūny qaraimyz. Özım de jurnalistıŋ kelgenı turaly aqparatty BAQ-tan kördım. Oqiǧanyŋ män-jaiyn anyqtaimyn. Aitpaqşy, men sot prosesın baqylap jürgen joqpyn jäne ony sızderdıŋ materialdaryŋyzdan bılemın», – dedı Balaeva.BAQ ökılderınıŋ aituynşa, ol jerdegı Sobchaktyŋ artyqşylyǧy: ol otyrady, basqalary türegep tūrǧan.
Balaeva būǧan qatysty jaǧdaidy anyqtaitynyn aitty.
Aita keteiık, būǧan deiın reseilık jurnalist Kseniia Sobchaktyŋ eks-ministr Quandyq Bişımbaevtyŋ sotyna qatysqanyn habarlaǧan edık. Sonda sottyŋ baspasöz qyzmetı reseilık jurnalistıŋ akkreditasiiadan ötkenın rastady.Ūqsas jaŋalyqtar
