Qaraǵandyda "Taza bulaq" ekologııalyq akııasy ótti. Oǵan 500-den astam adam qatysty. Eriktiler, ardagerler, depýtattar, oqýshylar men tabıǵatqa janashyr qaraǵandylyqtar Buqpa ózeni jáne Fedorov sý qoımasynyń jaǵalaýyn qoqystan tazartty.
Bilim berý salasynyń ardageri Ózbek Bımedın № 76 jáne 8 jalpy bilim beretin mektep oqýshylaryn osy naýqanǵa jumyldyrdy. Qarııa bul akııa qorshaǵan ortany bolashaq urpaq úshin saqtaýǵa degen umtylys. Sondaı-aq qala turǵyndarynyń basyn biriktiretin biregeı joba deıdi.
Qalanyń jastar resýrstyq ortalyǵynyń basshysy Iakýb Djamalov turǵyndardy jaýaptylyq tanytýǵa jáne tabıǵatqa uqypty qaraýǵa shaqyrdy. Ol qalanyń tazalyǵy men jaılylyǵy árqaısymyzǵa baılanysty ekenin atap ótti.
Qaraǵandy oblysynda "Taza Qazaqstan" aýqymdy ekologııalyq akııasy jalǵasyp jatyr. Ár apta belgili bir ataýmen ótedi. Bul jetikúndik "Jasyl aımaq" dep atalady jáne aǵash egýge, aýmaqty kógaldandyrýǵa arnalǵan.
