«AMANAT» partiiasy «Jastar Ruhy» jastar qanatynyŋ 4 myŋǧa juyq volonterı «Taza Qazaqstan» jalpyūlttyq aksiiasyna qosyldy. Olar su tasqynynan zardap şekken tūrǧyndardyŋ üilerın retke keltıruge kömektesude.
Elımızde Memleket basşysy Qasym-Jomart Toqaevtyŋ bastamasymen «Taza Qazaqstan» jalpyūlttyq aksiiasy qolǧa alyndy. Onyŋ aiasynda köşe tazalau, eldı mekender aumaǧyn kögaldandyru jäne abattandyru, su tasqynynan keiın qalalar men auyldardy qalpyna keltıru jūmysy jürgızılıp jatyr.
Osylaişa, «Jastar Ruhynyŋ» 4 myŋǧa juyq volonterı su tasqynynan zardap şekken tūrǧyndardyŋ üilerın retke keltıruge kömektesude. Volonterler tazalyq jūmysyn jürgızıp, jihazdar men zattardy keptırude. Sonymen qatar üi maŋyndaǧy üiındılerdı tazartyp jatyr.
Mäselen, Aqmola oblysy İvankovka kentınde 150-den astam adam tūryp jatqan 67 üidı su basty. Erıktıler üilerdegı jöndeuge keletın tehnika men tūrmystyq zattardy aulaǧa şyǧaruda.
«Bügınde su bırtındep azaiyp, tūrǧyndar üilerıne oraluda. Sondyqtan bız bırınşı kezekte zeinetkerler men jalǧyzbasty analarǧa kömek körsetuge keldık. Osyndai jūmys Abai, Qostanai jäne Aqtöbe oblystarynda bastau aldy. Syn saǧatta bırlıgımız ben yntymaǧymyzdy körsetu, zardap şekken otbasylarǧa kömek qolyn sozu maŋyzdy. Adamdar qiyndyqpen jalǧyz kürespeuı kerek», – dedı «Jastar Ruhy» jastar qanatynyŋ töraǧasy Aqerke İskanderova.
Partiialyqtar su tasqynynan zardap şekken Aqtöbe oblysynyŋ tūrǧyndaryna da kömek körsetude. Jastar qanatynyŋ belsendılerı su basqan Qobda auyl tūrǧyndaryna kömekke keldı. Aita keteiık, Qobda audanynda barlyǧy 200-den astam üi su astynda qaldy. Zardap şekken tūrǧyndarǧa şamamen 370 myŋ teŋge kölemınde bırjolǧy järdemaqy tölenude. Üiı qalpyna keltıruge jaramaityn tūrǧyndarǧa jaŋa baspana salynady. Üi tūrǧyzylatyn uchaskeler anyqtalyp, qūrylys materialdaryn jetkızu jūmysy bastaldy.
Būl rette, «AMANAT» partiiasynyŋ belsendılerı men «Jastar Ruhynyŋ» volonterlerı su tasqynynan zardap şekken oblystarda ǧana jūmys ısteumen şektelmei, özge öŋırlerde de «Taza Qazaqstan» nauqanyna qosylyp jatyr.
Mäselen, Qyzylordada partiia müşelerı qalalyq «Eŋbek alleiasyn» qoqystan tazartyp, aǧaştardy äktedı. Ūlytau oblysynda belsendıler Joşy hannyŋ tarihi-mädeni keşenı aumaǧynda tazalyq jūmysyn jürgızdı. Şymkentte jas ruhtastar Badam özenınıŋ jaǧasynda senbılık ötkızse, Almatyda «ALA» baǧyna 300 aǧaş ektı. Astana qalasyndaǧy «Jastar Ruhynyŋ» belsendılerı de igı ısten şette qalmady. Olar «Atatürık» saiabaǧynda tazalyq jūmysyn ūiymdastyrdy. Al Abai oblysynda partiialyqtar Voskresenovka auylynyŋ janyndaǧy orman alqabyna qaraǧai köşetterın otyrǧyzu jūmysyna atsalysty.
