Qazaqstan halqy Assambleiasynyŋ Qaraǧandy oblysyndaǧy ökılderı "Taza Qazaqstan" respublikalyq ekologiialyq aksiiasyn qoldady. "Jasyl aimaq" aptalyǧy aiasynda etnomädeni bırlestıkterdıŋ ökılderı käsıpkerlermen, erıktılermen bırge Älihan Bökeihan atyndaǧy audanǧa bal ösımdıkterın ektı dep habarlaidy Adyrna.kz tılşısı.
"Aksiianyŋ basty maqsaty – qorşaǧan ortaǧa ūqypty qarau mädenietın qalyptastyru, azamattyq jauapkerşılıktı arttyru jäne ekologiialyq mädeniettı nyǧaitu", – dep atap öttı Qaraǧandy oblysynyŋ QHA.
Kögıldır toǧandardaǧy alleialardyŋ bırıne 50 qaraǧan būtalary men bes şyrşa otyrǧyzyldy.
– Bız sary qaraǧandy bekerden taŋdaǧan joqpyz. Būl bal ösımdıgı ädemı, onyŋ üstıne öte qarapaiym, qūrǧaqşylyqqa tözımdı, topyraqty azotpen baiytady, – dep atap öttı QHA Analar keŋesınıŋ müşesı Diia Erjanova.
Köşetter eguge jergılıktı tūrǧyndar da qosyldy, olar būl alleiada balalarmen jiı seruendeitının aitady.
Jergılıktı bilıktıŋ mälımetınşe, biyl Älihan Bökeihan atyndaǧy audanǧa 10 myŋǧa juyq jasyl jelek egu közdelıp otyr.
