Almaty oblysy «Qoǵamdyq kelisim jáne damý ortalyǵy» KMM oblystyq ámbebap kitaphanaǵa 400 danaǵa tarta kitap tartý etti.
Búgin Almatyda Aýmaqtyq saıası qýǵyn-súrgin qurbandaryn tolyq aqtaý jónindegi memlekettik komıssııasy jumys tobynyń qorytyndylaý jıyny ótken edi. Almaty oblysy boıynsha 2020-2023 j. úsh jyl boıy zertteý-zerdeleý jumystarynyń nátıjesinde jaryqqa shyqqan kóptomdyq Materıaldar jınaǵy kópshilikke tanystyryldy
Kitaphana qoryn tolyqtyrǵan bul jazbalar, saıası qýǵyn-súrgin qurbandaryn tolyq aqtaý jónindegi memlekettik komıssııa zerdelegen aqparattarmen tolyqqan.
Aınalasy 3 jyldyń ishinde tarıhshylar qundy hám qupııa derekterdi jınaqtaǵan, bul rette Almaty oblysyna qatysty tarıh qoınaýynda qalǵan málimetter de basylǵan.
Kitaptyń qos tomyn Almaty oblysynda qýǵyn-súrgin jyldaryndaǵy jaıytqa arnaǵan Almaty oblystyq óńirlik komıssııanyń jumys tobynyń jetekshisi Erkin Imanǵazyuly atalmysh kitapty jaryqqa shyǵarý isine «arhıvtegi revolıýııa» dep baǵa berdi.
«Óńirlik komıssııa músheleri osy ýaqyt aralyǵynda tyń málimetterdi arhıvten kóterdi. Tóte jazýdan kırrılıaǵa aýdarý úshin aýdarmashylar da jumyldyryldy. Bilgen adamǵa tarıhtan artyq asyl qundylyq joq. Meniń oıymsha, jumys toby óziniń maqsatyna jetti. Bul ómirsheń joba bolady dep senemin», - dedi Erkin Imanǵazyuly.
Tarıhı jazbany tabystaǵan «Qoǵamdyq kelisim jáne damý ortalyǵynyń basshysy Elbosyn Abaı jaryq kórgen týyndy óziniń súıikti oqyrmanyn tabatynyn aıtty.
«Hákim Abaı «Artyq bilim kitapta» deıdi. Sondyqtan sapaly kitap qashanda qajet. Sol sebepti, búgin bizder, 400 danaǵa jýyq kitapty Almaty oblystyq ámbebap kitaphanasyna tabystadyq. Kitaphana qory taǵy bir asyl muramen tolyqty dep aıtýǵa bolady. Ótkensiz-tarıh, búginsiz-bolashaq joq. Sondyqtan, óńirlik komıssııa músheleri bolǵan , kitap shyǵarýǵa at salysqan ár janǵa aıtar alǵysymyz bólek»,-dedi Elbosyn Abaı.
Aıta keteıik, saıası qýǵyn-súrgin qurbandaryn tolyq aqtaý jónindegi memlekettik óńirlik komıssııaǵa 10 adam múshe bolǵan. Olar taban aýdarmastan ultqa qajetti qundylyqty jınaqtap, 52 tomnan turatyn kitap shyǵaryp, bútin eldiń ótkenin túgendedi.
