Sarapşy aldaǧy ekı aptada 1 dollardyŋ teŋgege şaqqandaǧy naqty baǧamyna qatysty boljamyn da jariia ettı.
Halyqaralyq naryqtaǧy dollar baǧamynyŋ älsıreuıne qatysty otandyq ekonomist Arman Baiǧanov öz boljamyn jariialady. Ol halyqaralyq naryqta mūnai baǧasynyŋ älı de qymbattaitynyn aityp, Instagram paraqşasynda jazba jariialady dep habarlaidy Zakon.kz.
Sarapşy atap ötkendei, keşegı AQŞ Federaldyq rezerv jüiesı basşysynyŋ mälımdemesınen soŋ amerikalyq valiuta basqalaryna şaqqanda äldeqaida arzandady. Al būl öz kezegınde Federaldyq rezerv jüiesı kelesı jiynda bazalyq syiaqy mölşerlemesın tömendetetının de jariialap qalady dep boljam jasauǧa negız boluda.
Oǧan qosa, AQŞ mūnai öndırısın qysqartyp jatyr. Būl mūnaidyŋ baǧasynyŋ ösımıne äser etetın jait. OPEK+ elderı özara kelısımdı taǧy 9 aiǧa şegerdı, Reseide de tehnogendık sebepke bailanysty mūnai öndırısı şekteldı. Osynyŋ bärı mūnai baǧasynyŋ ösuıne äkep soǧatyny sözsız.
- Osy faktorlardyŋ barlyǧy jäne İran töŋıregındegı şielenıs jaqyn bolaşaqta mūnaidyŋ bır barrelın 70 dollarǧa köteredı. Bıraq ūlttyq valiutany 380 teŋgeden ärı tömen deŋgeide nyǧaituǧa eşqandai sebep-saldardy körıp tūrǧanym joq. Kerısınşe, biyl memleket äleumettık baǧdarlamalarǧa artyǧymen şyǧyndanyp qoidy. Mıne, osy jaittardy eskere otyryp, aldaǧy ekı apta ışınde 1 dollardyŋ qūny bızde 382-386 teŋge aralaǧynda bolady dep boljam jasauǧa bolady, – dep jazdy Arman Baiǧanov.
"Adyrna" ūlttyq portaly
