28 sáýirden bastap Reseıdiń keı óńirlerinde janarmaı tapshylyǵy bastaldy. Alypsatarlar tarapynan janarmaıdy satpaı, ózinde jınaı bastaý áreketteri de baıqalǵan. Birshama munaı óńdeý qýattary isten shyqqannan keıin, gýbernatorlar Kremlge shaǵym aıtyp, dabyl qaǵýda. Bul týraly DALA INSIDE jazdy, dep habarlaıdy “Adyrna” ulttyq portaly
Búginde Ýkraınanyń negizgi nysany – Reseıdiń munaı óńdeý zaýyttary.
DALA INSIDE derekkózi boıynsha, Qaýipsizdik keńesiniń boljamy kóńil kónshitpeıdi. Endi Kıev gıbrıdti soqqy - ıaǵnı raketalar men drondardy aralastyryp soqqy bere alady. Oǵan munaı óńdeý zaýyttaryn jaýyp turǵan áýe qorǵanysynyń shamasy jetpeýi múmkin.
“Osy oraıda Kreml ishki defııtti boldyrmas úshin jantalasa jol izdeýde. Basty ıdeıa - kórshiles EAES elderinde Reseıge baǵynyshty munaı óńdeý zaýytynyń bolýy. Onyń aldynda Belarýs basshylyǵy Mozyr munaı óńdeý zaýytynyń qýaty Reseıdiń búkil qajettiligin óteýge jetedi dep sendirgen bolatyn. Óz kezeginde, eger Mozyr taza Reseı qajeti úshin jumys isteıtini dáleldense, Ýkraına Belarýstaǵy ınfraqurylymǵa da soqqy berýge daıyn. Jáne ol raketa álde dronmen emes, ishki dıversııa, baıqamaı órtenip ketý, tehnogendik apat túrinde oryn alýy yqtımal”, dep jazylǵan derekkóz málimetinde.
Sondaı-aq, derekkóz Belarýstiń táýekeli joǵary ekenin biletin Kreml jabyq otyrysta Lýkoıldy Atyraýdaǵy MÓZ máselesin sheshý boıynsha asyqtyratynyn jazady. Lýkoılda ondaı aqsha bar.
Aıta ketsek, kompanııa 2023 jyly 790 mıllıard rýbl taza kiris aldy. AMÓZ Qazmunaıgazǵa tıesili. Qazmunaıgaz ony satý boıynsha naqty jospar daıyndamaǵan bolatyn. Bul ıdeıa tek koneptýaldy túrde talqylanyp júrgen. Ázirge Lýkoıl Qazmunaıgazǵa shyqqan joq. Olar máseleni zerttep, QMG-ǵa unaıtyn usynys ázirlegisi keledi.
“Osy usynys paketinde Lýkoılǵa tıesili Bolgarııadaǵy Býrgas MÓZ-ine qatysty taraý da bolyp qalar dep oılaıdy. AMÓZ-di Býrgasqa almastyrý, oǵan qosa basqa da opıondar berý týraly usynystar kelse, Qazmunaıgazdyń oılanyp qalary belgili.
EAES-tegi janarmaıdyń ortaq naryǵy degen dúnıeniń ózine qurylǵan qaqpan ekenin Qazaqstan endi túsine bastady. Ortaq naryq bolsa, Reseıdegi defııt pen qymbat baǵa Qazaqstanǵa da keletini aıdan anyq bolyp tur. Onda bizdegi sanaýly MÓZ-lar tolyq Reseı naryǵyna jumys istep, óz naryǵymyzda adam aıtqysyz defııt bastalady. Al 2022 jyly avtogaz baǵasynyń birneshe ese ósýi nege alyp kelgendigin Úkimet umytqan joq. Astana Eýrazııalyq komıssııany aldap-sýlap, osy ortaq naryqtyń engizilýin 2025 jyldan 2027 jylǵa deıin sozdy. Biraq Kreml tizeden basyp, 2027 jyldan keıin biz jaltara almaıtyndaı qylýǵa nıetti”, dep jazdy derekkóz.
Eske salsaq, buǵan deıin Reseı qajet jaǵdaıda Qazaqstannan 100 000 tonna benzındi rezervte ustaýyn suraǵanyn habarlaǵan edik. Kreml naýryzdan bastap alty aıǵa deıin Reseı aýmaǵynan benzındi syrtqa shyǵarýǵa shekteý qoıdy. Qazir elimizde halyq kóp tutynatyn Aı-92 markaly benzınniń 307 700 tonna qory bar. Al Aı-95 markaly benzın rezervi - 58 000 tonna, dızel rezervi - 435 300 tonna.
