Jaıyq ózenindegi sý deńgeıi kóterilip jatyr, dep habarlaıdy "Adyrna" tilshisi QazAqparatqa siltep.
Ózenniń sý deńgeıi Aqjaıyq aýdany Taıpaq aýyly tusynda bir táýlikte 32 santımetrge kóterilgen.
«Qazgıdromet» RMK BQO fılıalynyń málimetinshe, 30 sáýir kúngi saǵat 08.00-de Taıpaq gıdrobeketinde sý deńgeıi 665 santımetrge jetken. Al onyń qaýipti shegi – 850 sm.
Jaıyq ózeniniń sýy Ianvarev aýyly men Oral qalasy tusynda bir táýlikte 10 santımetrge tómendedi. Qazir aýyl mańynda sý deńgeıi - 834 sm, oblys ortalyǵynda 828 santımetrdi kórsetti.
Aqjaıyq aýdanynyń ákimi Murat Serdalın Jaıyq ózeniniń sýy saı-salalardy toltyryp, tómen qaraı aǵyp jatqanyn aıtady. Ózen boıyndaǵy eldi mekender baqylaýda ekeni habarlandy.
