Prezidenttıŋ būiryǧymen Strategiialyq josparlau jäne reformalar agenttıgı töraǧasynyŋ orynbasary qyzmetten şettetıldı, dep habarlaidy "Adyrna" ūlttyq portaly.
Tiıstı būiryq 30 säuırde Aqorda saitynda jariialandy.
«Memleket basşysynyŋ ökımımen Ärken Hamitūly Ötenov Qazaqstan Respublikasynyŋ Strategiialyq josparlau jäne reformalar agenttıgı töraǧasynyŋ orynbasary lauazymynan bosatyldy», - dep jazylǧan aqparatta.Ärken Hamitūly Ötenov 1983 jyly 15 qaraşada Almaty qalasynda tuǧan. Äl- Farabi atyndaǧy Qazaq Ūlttyq universitetın, Karnegi Mellon universitetın bıtırgen. Ol «Bolaşaq» baǧdarlamasynyŋ 2010 jylǧy tülegı. Halyqaralyq qatynastar mamany, ekonomist, memlekettık saiasat salasyndaǧy ǧylym magistrı. Prezidenttık jastar kadrlyq rezervınıŋ müşesı. Eks-orynbasar 2006-2011 jyldary aralyǧynda eldıŋ bank salasynda qyzmet atqarǧan. Odan keiın Qazaqstan Respublikasy Prezidentı Äkımşılıgınde, Qarjy ministrlıgınıŋ Memlekettık kırıster komitetınde qyzmet atqarǧan. 2019 jylǧy tamyzdan jeltoqsanǧa deiın Qazaqstan Respublikasy Prezidentı Äkımşılıgınıŋ Syrtqy saiasat jäne halyqaralyq bailanystar bölımı meŋgeruşısınıŋ orynbasary boldy. Al 2019 jylǧy jeltoqsannan bastap 2020 jylǧy qyrküiekke deiın Qazaqstan Respublikasy Syrtqy ıster ministrlıgınıŋ Jauapty hatşysy. 2020 jylǧy qazannan bastap bügınge deiın Qazaqstan Respublikasynyŋ Strategiialyq josparlau jäne reformalar jönındegı agenttıgı Töraǧasynyŋ orynbasary qyzmetın atqardy.
Ūqsas jaŋalyqtar
