Qyrǧyzstanda "balmūzdaq tielgen furgon" dep habarlanǧan jük kölıgı aşyq aspan astynda «Manas» eposyn oryndaǧan 29 oquşyny qaǧyp kettı. Jetı adam jansaqtau bölımınde jatyr. Būl turaly Kaktus basylymy jariialady, dep habarlaidy “Adyrna” ūlttyq portaly.
Oqiǧa 2 mamyrda Jalalabad oblysynda bolǧan.Aqparatqa säikes, qaiǧyly oqiǧa mädeni şara kezınde bolǧan. Mektep oquşylary «Manas» eposynan üzındı oqyp, nömır körsettı. Oqiǧa kezınde "Porter" jük kölıgı yldiǧa qarai qūldilap, balalardy qaǧyp ketken. Oqiǧadan taralǧan videoda jük kölıgınıŋ kiız üidı qaǧyp baryp toqtaǧany körınedı. Kiız üi qirap qalǧan. Kölık kiız üige deiın qanşama adamdy qaqqan, kiız üide qanşa adam bolǧan - oqiǧanyŋ egjei-tegjeiı äzırge habarlanbady.
24.kg agenttıgınıŋ habarlauynşa, apat saldarynan 9 ben 16 jas aralyǧyndaǧy 29 orta mektep oquşysy ärtürlı auyrlyqtaǧy jaraqattarmen auruhanaǧa jetkızılgen.
Qyrǧyzstan densaulyq saqtau ministrlıgınıŋ mälımetınşe, jetı bala Jalal-Abad oblystyq balalar auruhanasynyŋ jansaqtau bölımıne jatqyzyldy, üşeuınıŋ jaǧdaiy auyr. Mälımetter älı de özgeruı mümkın.
Oblystyq polisiia departamentı būl derek tırkelıp, qazır tergeu amaldary jürgızılıp jatqanyn habarlady. Qūqyq qorǧau organdarynyŋ mälımetınşe, jürgızuşı jük kölıgın joǧaryraq jerge qoiǧan, bıraq kölık tömen qarai qūldilap ketken.
https://youtu.be/fY-pkq9rOI8?si=2cFLXITxhrbsmQk4 Būl Ortalyq Aziia elderınde kölıktı qauıpsızdık şaralaryn qarastyrmai qaŋtaryp qoiu saldarynan apattar jiılegen kezde bolyp otyrǧan oqiǧa. Byltyr säuır aiynda Qazaqstanda Şymkentte jürgızuşısı joq avtobus jürıp ketıp, 4 jaiau adamdy qaǧyp ketıp, mert qylǧan. Odan keiın qyrküiek aiynda Almatyda jol jiegınde tūrǧan avtobus özdıgınen şegınıp ketıp, tört kölıkke soǧylǧan.
