Türkıstan oblysy äkımdıgınıŋ baspasöz qyzmetı Arysta bolǧan tötenşe jaǧdaiǧa baidanysty 100 myŋ teŋge ötemaqy berıletın eldı mekenderdıŋ tızımın jariia ettı.
"Arys qalasyndaǧy tötenşe jaǧdaiǧa bailanysty 100 myŋ teŋge ötemaqy beru boiynşa türlı saualdar tuyndauda. Körşı eldı meken tūrǧyndarynan sūraqtar kelıp tüsude. Alaida QR Ükımetı bekıtken tızım boiynşa ötemaqy berıledı. Atap aitqanda, Arys qalasy boiynşa - 44 994 adam, Aqdala auyl okrugınde - 4 324 adam, Qojatoǧai auyl okrugı boiynşa - 4 232 adam, Dermene auyl okrugınde - 2 052 adam. Jalpy bırınşı kezekte 55 602 tūrǧynǧa 100 myŋ teŋgeden 5,6 milliard teŋge kölemınde ötemaqy töleu josparlanyp otyr. Ötemaqy töleuge QR Ükımetınıŋ rezervı esebınen 3 milliard teŋge, oblystyq biudjetten 1 mlrd. teŋge jäne arnaiy qūrylǧan "Türkıstan" äleumettık qoryna tüsken qarjydan 1,6 milliard teŋge bölınedı dep kütıledı. Jergılıktı tūrǧyndardan qūjattardy qysqamerzımde jinauǧa Arys qalasyndaǧy 17 sektorda bekıtılgen tiıstı mamandar jäne audan, qala äkımdıkterınıŋ qyzmetkerlerı jūmyldyryǧan. Olar 2019 jyldyŋ 3 şıldesınen bastap ötemaqy aluǧa ötınışter jinaqtalyp jatyr. Arystaǧy tötenşe jaǧdai: Oqiǧanyŋ hronologiiasy Eske salaiyq, 24 mausymda Türkıstan oblysyndaǧy Arys qalasynda äskeri bölımşenıŋ territoriiasynda jarylys bolǧan edı. Onyŋ saldarynan üş adam qaza tapty.
"Adyrna" ūlttyq portaly
