Ulttyq ekonomıkanyń burynǵy mınıstri, qazirgi tańda áıeli Saltanat Núkenovany aıaýsyzdyqpen óltirdi dep aıyptalyp jatqan Qýandyq Bıshimbaevtyń burynǵy áıeli Nazym Qaharman eks-kúıeýiniń 5 ret qajylyqqa barǵanyn aıtty, dep habarlaıdy "Adyrna" ulttyq portaly.
Jýrnalıst Ǵalymjan Sánkibaevtyń jazýynsha, Nazym Qaharman óziniń ınsta paraqshasynda oqyrmandardyń suraqtaryna jaýap berý kezinde Bıshimbaevtyń dinge jaqyn bolǵanyn aıtqan:
"Bıshimbaev ata-anasy sekildi dinge jaqyn boldy. Bilýimshe ol bes ret kishi qajylyq jasady. Alaıda men oǵan qarap din men rýhanı dúnıeniń eki túrli nárse ekenin túsindim" dep jaýap berdi ol oqyrmandarynyń saýalyna.
Sonymen qatar, Nazym Qaharman Bıshimbaevtardyń dinı nanym-senimderge senetinin, kóripkelderge jıi júginetinin alǵa tartty.
