– Tipti orystar qosylatyndaı bul ne festıval? Sol orys Abaıdy jaqsy kóretindeı. Əıteýir, əsire elikpe-jelikpe elmiz ǵoı. Abaıdy oqysa qazaq oqysyn. Qara sózin oqysyn. Qazaqtyń qandaı bılikqumar, mansapqumar, qanaǵatsyz,toıymsyz, ashkóz, dańǵoı, jalqaý, jabaıy, daraqy, qyzǵanshaq, esersoq, toqalshyl, jabysqaq, jaǵympaz bolǵanyn bilý úshin oqysyn. Oqýdan ozyp turmyz. Aqyldymyz. Aqyldy bolsaq nege kedeı, nege kónbis, nege ańqaý elmiz, – dep jazady ol.
Baıaǵy jartas sol jartaspyz
– Ózimizshe ótirik Abaımen ómirimizdi órnektegimiz keledi. Ótken ǵasyrlardyń shejirelerin aıta-aıta aýyz kópirdi. Qoıyńdarshy! Bul – kezekti naýqan. Bizge búgin Abaıdyń óleńi kerek emes. Bizge ózgeris kerek. Serpilis kerek. Bizge səttilik kerek. Alǵa adymdaý kerek. Keregi – Jer. Shekarany saqtaý. Qaýipsizdik. Ədiletti zań. Beıbitshilik. Tártip. Tazalyq. Baılyq. Ǵylym men bilim. Densaýlyq. Progress. Senim. Adamgershilik. Balalardyń baqytty ómiri kerek. Bolashaǵy bar jastar kerek. Baqýatty ata-analar kerek. Kútimi bar qarııalar kerek, – dep qosady ol.
Nege biz əli kúızelip júrmiz?
– Ýtopııa deısizder. Iə, bəri kúmándi. Bizdi alda ne kútip tur? Nege biz əli kúızelip júrmiz? Sondyqtan qoıyńdarshy osy! Jas baladaı ermek izdep, əsire elige-jelige bermeı. Abaı óleńderi ermek emes. Festıval da emes, – dep aıaqtalady ol kisiniń jazbasy.
Aıgúl ASYLBEKOVA
"Adyrna" ulttyq portaly
