Jalyndy jurnalist bola tūra, ǧūmyrynyŋ köp bölıgın redaktorlyqqa arnaǧan Erjūman Smaiyldyŋ basqa jurnalister tärızdı jüzdegen, myŋdaǧan maqalalary joq. Gazet üşın ǧalymdyǧyn qūrban etken talantty redaktor jzaǧany qūtty kündı qūrǧatpai baspasöz betınen körınıp jatqan soŋ, kıtap şyǧaraiyn dep qūlşyna qoiǧan joq. Özı şyqqan tau biık bolsyn dep, boidaǧy baryn, oidaǧy närın özı pūşpaǧyn ilep jürgen basylymǧa berıp, jüikenıŋ sölın, jürektıŋ jalynyn soǧan töktı. Ardan attamai, qoǧamǧa, zamanǧa sai qaltqysyz qyzmet etıp, azamattyŋ boryşyn adal atqardy. Qyzmet babynda zaman aǧymyna sai talaby qatal bolsa da, tırı pendege qyldai qiianat jasamady. Dosqa adal, jastarǧa qamqor boldy.
Alaida oqty sözdı bır atqanda däl tigızetın qabıletı onyŋ bır maqalasyn tom-tom bolyp jazylǧan kıtaptardan da baǧaly etedı. Asqan jurnalistık şeberlıktıŋ nätijesınde jaryq körgen bıren-saran maqalalary, kıtaptary jurnalist bolu üşın mındettı türde jazu kerektıgın alǧa tartatyn qaǧidany joqqa şyǧarady.
Zeinetke şyqqanǧa deiın jazǧan jalǧyz ǧana «Ömır degen – jol üstı» prozalyq kıtabynyŋ özı publisistıŋ qalamy şyŋdalǧanynyŋ kuäsı. Būl kıtapty şeberlık saǧattarynyŋ jiyny dep atauǧa da bolady. Bügınde eskırgen baspa betterınde el tarihy men ömırınıŋ jaŋa paraqtarynda qoǧamymyzǧa qajettı jüirık oi men jastarǧa kerek önegelı söz qaldyrǧan, şyndyqtyŋ artyndaǧy küreskerlerdıŋ bırı bolǧan Erjūman Öteşūly eŋbegınıŋ ızı qaldy.
Bekzat TULEPBERGENOV
