Körnektı jazuşysy, dramaturg, publisist, qazaq ädebietın qalyptastyruşylardyŋ bırı Jüsıpbek Aimauytov bar ǧūmyryn ūltqa arnaǧan. Qazaqtyŋ baǧy men baǧytyn oilap, baryn salǧan. Jüsıpbek Aimauytovtyŋ önegege toly sözderın ūsynamyz. Oqyp, oi qorytyp körıŋız!
Oqyǧandar! Būl uaqyt jan tynyştyq ızdeitın, qyzyq quatyn uaqyt emes, qyzmet qylatyn, eŋbek sıŋıretın uaqyt. Oilaŋyzdar: halyq bız üşın emes, bız halyq üşın tuǧamyz, olai bolsa, moiynymyzda halyqtyŋ zor boryşy, auyr jügı jatyr.
Zorlyq, qiianat, qanışerlık joǧalyp, bır zamanda adam balasy bırın bırı maŋdaiǧa şertpeitın, jer jüzıne ūjmaq ornaityn şaq bola ma? Joq pa? Belgısız bolsa, alys. Özı kökseu - tättı qiial; zaman köksetetın emes. Endıgı maqsat - aiaq astynda qalmai, tyrbanyp tyrna-qatar retke kıru, düniejüzınen joǧalyp ketpes qamyn qylu.
Adamnyŋ ömırdegı ısı - alǧan täjıribesınıŋ jemısı. Jannyŋ tärbielenetın üş türlı sypaty bar: aqyl, sezım, qairat. Adam jaratylystan aqyldy bolyp, osy üş sypaty bırdei tärbielengen bolsa, ol kısı ärı danyşpan bolady. Ol adam ısınde baiypty, tabandy bolyp köp qata jıbermeidı.
Ötırık aitpa, qiianat qylma, adal bol, aqjürek bol, özıŋ üşın oqyma, men üşın de oqyma, ūltyŋa qyzmet qylyp, paida tigızu üşın oqy!
Därıgerden de tärbieşınıŋ köp bolǧany artyq, därıger adamnyŋ denesın sauyqtyratyn bolsa, tärbieşı adamnyŋ aqylyn, mınezın, janyn sauyqtyrady.
Bir ärip üiretkenge 40 jyl sälem ber.
Esterıŋızde bolsyn: qara halyqtyŋ mädeniettı boluynan mädeniettı kısınıŋ qazaq boluy qiyn, balasyna osy bastan ūlt ruhyn sıŋırıp, qazaq ömırıne jaqyndatyp tärbieleu kerek.
Bekzat TULEPBERGENOV
