Qytai polisiiasy qazaqstandyq Sandira Serıkhanovanyŋ ölımıne qatysty ıstı qaita qarap, qyzdyŋ jazataiym oqiǧa saldarynan köz jūmǧanyn rastady, dep habarlaidy syrtqy ıster ministrlıgınıŋ baspasöz qyzmetı.
Qytaida bılım alǧan qazaqstandyq student tūrǧyn üidıŋ 17-şı qabatynan qūlaǧan.
24 jastaǧy qyz Qytaidyŋ Chanchjou qalasynda tūrǧyn üidıŋ 17-şı qabatynan qūlap köz jūmǧan. Qaiǧyly oqiǧa osy jyldyŋ 26 säuırınde bolypty. Sandira Serıkhanova Qytaidyŋ Sziansu provinsiiasyndaǧy tehnologiia universitetınde oqyp jürgen.
Qyzdyŋ äkesı men aǧasy dereu Chanchjou qalasyna attanǧan. Qazaqstannyŋ Şanhaidaǧy bas konsuldyǧynyŋ kömegımen marqūmnyŋ otbasy Qoǧamdyq qauıpsızdık departamentı, Serıkhanova oqyǧan universitet pen saqtandyru kompaniiasynyŋ ökılderımen kezdestı. Kezdesu kezınde qyzdyŋ tuǧan-tuystaryna qaiǧyly oqiǧa bolǧan üidıŋ kıreberısındegı kameralardyŋ beinematerialdary körsetıldı.
Tergeu qorytyndysyna säikes, qazaqstandyq qyzdyŋ jazataiym oqiǧa saldarynan qaza bolǧany anyqtaldy. Kısı qolynan köz jūmǧany rastalǧan joq.
2 mamyrda marqūmnyŋ denesı Beijıŋnen Nūr-Sūltan qalasyna jetkızıldı.
Is nege qaita qaraldy
22 mamyrda qyzdyŋ äkesı Qazaqstannyŋ Şanhaidaǧy konsuldyǧyna jügınıp, ıstı qaita qaraudy sūrady. Qazaqstandyq diplomattar Qytai polisiiasyna tiıstı ötınış joldady. Istı qaita qarau qorytyndysy boiynşa, Qytai polisiiasy Serıkhanovanyŋ kısı qolynan köz jūmǧanyn rastaǧan joq."Adyrna" ūlttyq portaly
