İnternettıŋ şekteluı sifrlyq damu ministrlıgı jürgızıp jatqan tehnikalyq jūmystarmen bailanysty Nūr-Sūltan qalasynyŋ tūrǧyndary keibır internet resurstarǧa kıre almauy mümkın. Būl turaly Qazaqstannyŋ sifrlyq damu, innovasiialar jäne aeroǧaryş önerkäsıbı ministrlıgınıŋ baspasöz qyzmetı habarlady.
Qūzyrly memlekettık organdar elordanyŋ bailanys operatorlarymen bırlesıp, tehnikalyq jūmystar jürgızıp jatyr. Ministrlıktıŋ aqparatynşa, būl qala tūrǧyndaryn, memlekettık organdar men jekemenşık kompaniialardy hakerlık şabuyldan, internet-alaiaqtar men türlı kiberqauıpten qorǧau üşın qajet. Osyǧan bailanysty elordalyqtar keibır internet resurstarǧa kıre almauy mümkın.
"Jekelegen internet-resurstarǧa kıru mümkın bolmaǧan jaǧdaida, mobildı qūrylǧynyŋ (ūialy telefon, planşet) tırkelıp-tırkelmegenın tekserudı jäne qauıpsızdık sertifikatyn (bailanys operatorlarynyŋ saitynda ornalastyrylǧan) ornatudy ūsynamyz. Sondai-aq, öz bailanys operatoryŋyzdyŋ call-ortalyǧyna habarlasuyŋyzǧa bolady. Uaqytşa qolaisyzdyqtar üşın keşırım sūraimyz", - delıngen habarlamada.
Aita ketsek, qazaqstandyqtar äleumettık jelılerdıŋ būǧattaluy men ūialy bailanystyŋ sapasyna jiı şaǧymdanady.
"Adyrna" ūlttyq portaly
