Jurnalist Sanduǧaş Düisenovanyŋ jalaŋaş beinesın tüsırgenı üşın poliseilerden 100 myŋ teŋge öndırıp aldy. Osyǧan qatysty bügın QazTAG redaksiiasy Sanduǧaş Düisenovanyŋ aryzy boiynşa sot otyrysy ötkenın aitty, dep habarlaidy “Adyrna” ūlttyq portaly.
2023 jyldyŋ jazynda ol tünde ūstalyp, polisiia bölımıne jetkızılgen bolatyn. Oǧan Qazaqstan Respublikasy Qylmystyq kodeksınıŋ 147-baby (Qazaqstan Respublikasynyŋ jeke ömırıne qol sūǧylmauşylyqty jäne jeke derekter jäne olardy qorǧau turaly zaŋnamasyn būzu) boiynşa aiyp taǧyldy.
2022 jyly Düisenova Facebook jelısınde adamdy atyp, balany jaralaǧan qylmyskerdı ızdestıru turaly aqparatty jariialady. Derekter arasynda er adamnyŋ JSN-ı de bolǧan.
Keiın jurnalist ūstaldy, ony tolyǧymen şeşındırıp, videoǧa tüsırıp, mūny «ızdeu» dep tüsındırdı.
Polisiianyŋ özı būǧan sottyŋ rūqsaty bar ekenın mälımdedı. Alaida, Adam qūqyqtary jäne zaŋdylyqty saqtau jönındegı qazaqstandyq halyqaralyq biuronyŋ direktory Evgenii Jovtis Düisenovany jalaŋaş küiınde tüsırgen poliseilerdıŋ äreketınıŋ nätijesınde Qazaqstan BŪŪ-nyŋ azaptaularǧa jäne basqa da qatygezdıkke qarsy konvensiiasyn būzdy dep sanaidy. Būl rette Işkı ıster bırınşı vise-ministrı Marat Qojaev Qazaqstan Konvensiiany būzbaǧanyn, eldegı tärtıp saqşylary joǧary lauazymdy tūlǧalardy jeke tıntu kezınde jalaŋaştaǧanyn aitty.
Aita keteiık, Düisenova Jetısu men Almaty oblysyna öz materialdarynda ötkır äleumettık mäselelerdı köterıp jürgen jurnalist retınde keŋınen tanymal. Sonymen qatar, ol Taldyqorǧanda Qaŋtar oqiǧasy kezınde alaŋda jatqan būzylǧan eks-prezident Nūrsūltan Nazarbaevtyŋ eskertkışı beinelengen «Däuırdıŋ aqyry» atty älemdı şarlaǧan fotosurettıŋ avtory retınde belgılı. Būl suret üşın Düisenova MediaCAMP Award 2022 halyqaralyq baiqauynyŋ jeŋımpazy atandy.
