Qazaqstannyŋ Ūlttyq qauıpsızdık komitetı Bışkekte bolǧan jappai tärtıpsızdıkke bailanysty mälımdeme jasady, dep habarlaidy «Adyrna» tılşısı.
ŪQK Qazaqstan-Qyrǧyzstan memlekettık şekarasyndaǧy baqylau-ötkızu punktterı ştattyq rejimde jūmys ıstep jatqanyn mälımdedı. Sondai-aq BAQ-ta şekaradaǧy jaǧdai turaly jalǧan aqparat taraǧanyn jetkızdı.
«Ekı el şekaraşylary Bışkek qalasyndaǧy jaǧdai turaly üzdıksız aqparat almasyp otyr. Qazaqstan Respublikasy Ūlttyq qauıpsızdık komitetınıŋ baspasöz qyzmetı Bışkek qalasyndaǧy tüngı tärtıpsızdıkterden keiın päkıstandyq studentter tobynyŋ Qyrǧyzstannan Qazaqstanǧa ötuge jinalyp jatqany turaly keibır BAQ-ta jariialanǧan aqparattyŋ şyndyqqa säikes kelmeitının habarlaidy»,—dedı komitet ökılderı.
Aita keteiık, 18 mamyrǧa qaraǧan tünı Bışkekte jappai tärtıpsızdık bolyp, 29 adam zardap şektı.
