Aqmola oblysy, Zerendı auylyndaǧy orta mekteptıŋ aspazşylary jaǧa ūstatar jaitpen bölıstı, dep habarlaidy “Adyrna” ūlttyq portaly.
Zerendı auylyndaǧy №1 orta mekteptıŋ aspazşysy @nayzakokshe redaksiiasyna ashanadaǧy jaǧdai turaly baiandady. Onyŋ aituynşa, ötken jyldyŋ qyrküiek aiynan säuır aiyna deiın jalǧa aluşynyŋ (mektep ashanasynyŋ meŋgeruşısı) nūsqauymen qyzmetkerler bırınşı auysymnan qalǧan tamaqty jinap, keiın ekınşı auysymnyŋ balalaryna berıp otyrǧan. «Keşeden qalǧan» önımder mūzdatqyşta saqtalyp kelgen. Sondai-aq, käsıpker aspazşylardyŋ jalaqysyn tölemegen jäne zeinetaqy qarajatyn da eseptemegen.
Aspazşynyŋ aituynşa, ol prokuraturaǧa habarlasqan. «Ashanada qaldyqtardy paidalanu faktılerı jariialanǧanymen» tekseru jabyldy.
Aspazşylar kün saiyn balalar ışpegen süttı şelekke qūiyp, sumen sūiyltyp, kelesı auysymnyŋ oquşylaryna beruge mäjbür bolǧan. Qalǧan kotletterdı, nan-toqaştardy, palaudy toŋazytyp, bır aptadan keiın balalarǧa qaita berıp otyrǧan.
Şaǧymyn jetkızgen Zerendılık aspazşy-äiel tekseru jürgızudı sūrap, jalaqylaryn töleudı talap etude.
Mektep basşylyǧy eşqandai zaŋbūzuşylyq tabylmaǧanyn aitty. «Dūrys tamaqtanbady degen aiyptaular negızsız» dep atady.
Zerendı audandyq bılım bölımı qyzmettık tekserudı bastady.
Ūqsas jaŋalyqtar
