Maŋǧystau oblysyndaǧy oquşylardyŋ jappai ulanuy. Qylmystyq ıs qozǧaldy

Maŋǧystau oblysynda jüzge juyq balanyŋ mektep ashanasynan ulanuyna qatysty qylmystyq ıs qozǧaldy, dep habarlaidy "Adyrna" ūlttyq portaly Bılım ministrlıgı Balalardyŋ qūqyqtaryn qorǧau komitetınıŋ baspasöz qyzmetıne sıltep.  «Qazır oqiǧa ornynda Balalardyŋ qūqyqtaryn qorǧau komitetınıŋ ökılderı jūmys ıstep jatyr. Balalarǧa qajettı medisinalyq jäne psihologiialyq kömek körsetıledı. Atalǧan faktı boiynşa qylmystyq ıs qozǧaldy. Bügıngı künı därıgerler 460 balany tekserıp, onyŋ 377-sı ambulatorlyq baqylauǧa jıberıldı. Oblystyq balalar jūqpaly aurular auruhanasyna 83 bala tüstı. Ekeuı jansaqtau bölımınen jalpy palataǧa auystyryldy. Mektep oquşylarynyŋ densaulyǧy jaqsaryp keledı», - delıngen düisenbı küngı habarda. Derekke süiensek, üide baqylauda bolǧan oquşylardyŋ bügın mektepke barǧany aityldy. «Mektep ashanasy mörlenıp, jabyldy. Balalar tolyq sauyqqannan keiın olarǧa qosymşa sabaqtar ūiymdastyrylady. Qazaqstan Respublikasy Bılım ministrınıŋ tapsyrmasy boiynşa bügınnen bastap barlyq oblystar men qalalarda mekteptegı tamaqtandyru bölımşelerın baqylau üşın mobildı toptar ūiymdastyryldy. Būl toptar halyqtyŋ sanitarlyq-epidemiologiialyq salauattylyǧyn qamtamasyz etu jäne taǧamnan ulanudyŋ aldyn alu maqsatynda ystyq tamaqtyŋ sapasy men sanitarlyq-epidemiologiialyq talaptardyŋ saqtaluyn qadaǧalaityn bolady», - delıngen habarlamada. Komitet önımderdıŋ sapasyna jäne sanitarlyq-epidemiologiialyq normalarǧa säikestıgıne mekteptegı azyq-tülık jetkızuşıler tıkelei jauapty ekenın atap öttı. «Ärbır ärekettıŋ artynda balalarymyzdyŋ ömırı men densaulyǧy tūrǧanyn este ūstaǧan jön», - dep qosty komitet. Eske sala keteiık, būǧan deiın Maŋǧystau oblysynda 60-qa juyq oquşynyŋ mektep ashanasynan ulanyp qalǧany habarlanǧan bolatyn. 8 qyrküiekte 140-tan astam balanyŋ zardap şekkenı belgılı boldy. 9 qyrküiekte ükımet balalardyŋ jappai ulanu sebepterın tergeudı baqylauǧa alǧanyn habarlady.