Bügıngı taŋda oblysta tört halyqaralyq (Samara, Orynbor, Toliatti, Saratov), bıroblysaralyq marşrut jūmys ısteidı (Atyrau). 24 audanaralyq marşrutqa 18 tasymaldauşy qyzmet körsetedı. Barlyq 12 audan ortalyǧy avtobus marşruttarymen qamtylǧan. Būl turaly BQO jolauşylar kölıgı jäne avtomobil joldary basqarmasynyŋ basşysy Bauyrjan Aitmaǧambetov aityp berdı.
Bauyrjan Esqaiyrūlynyŋ aituynşa, 2023 jyly ötken konkurstar qorytyndysy boiynşa Oraldan üş audanaralyq avtobus marşruty qaita aşyldy. Qaztalov, Jympity jäne biyl Saryömır, Qamysty, Saiqyn marşruttary jaŋadan oinalyp, qyzmet körsete bastaǧan. Byltyr äleumettık maŋyzy bar baǧyttarda 233 743 jolauşy tasymaldanǧan.
– Soŋǧy jyldary oblystyq biudjetten bölınetın subsidiia kölemı artyp keledı, sonymen qatar subsidiialanatyn marşruttar sany da ösude. Biylǧy jylǧa 382,8 mln teŋge subsidiia bölındı. Bügıngı künge 13 tasymaldauşy 16 marşrut boiynşa subsidiia alyp otyr. Jalpy audan ortalyqtaryna qatynaityn äleumettık maŋyzy bar marşruttardy subsidiialau tūrǧyndardyŋ az qamtylǧan bölıgı üşın qoljetımdılıktı qamtamasyz etıp, äleumettık mäselelerdı şeşuge yqpal ettı, – deidı basqarma basşysy.
Subsidiia jäne oblys äkımdıgınıŋ qoldauy arqasynda audanaralyq marşruttarda qyzmet körsetetın tasymaldauşylardyŋ avtoparkterı jaŋartylyp keledı. 2020-2023 jyldar kezeŋınde 15 jaŋa avtobus satyp alyndy. Būl jolauşylarǧa qyzmet körsetu sapasyn jaqsartuǧa öz äserın tigızdı. Bızdıŋ oblys arqyly «Almaty-Saratov» halyqaralyq poiyzy, «Oral-Astana», «Oral-Almaty», «Oral-Maŋǧyşlaq» oblysaralyq poiyzdary, «Oral-Semiglavyi Mar» jäne «Oral-Şyŋǧyrlau» audanaralyq poiyzdary ötedı. «Oral-Semiglavyi Mar» jäne «Oral-Şyŋǧyrlau» äleumettık maŋyzy bar marşruttaryn subsidiialau baǧdarlamasy ıske asyryluda. Üstımızdegı jylǧa 209,0 mln teŋge subsidiia bölıngen. Qazırgı uaqytta Oral qalasynyŋ halyqaralyq äuejaiy arqyly 7 baǧyt boiynşa jolauşylar reisterı jüzege asyrylady, onyŋ ışınde 5 ışkı respublikalyq (Astana, Almaty, Türkıstan, Aqtau, Atyrau) jäne 2 halyqaralyq (Frankfurt, Antalia). Mausym aiynda Şymkent jäne Şarm-el-Şeihke ūşular jandandyrylady. Jobanyŋ jalpy qūny 6,6 mlrd teŋge bolatyn äuejai terminalynyŋ ǧimaratyn rekonstruksiialaudan keiın äuejaidyŋ jaŋa terminalynyŋ ötkızu qabıletı 400 jolauşy/saǧ. qūraidy.
Bügıngı taŋda «Oral» halyqaralyq äuejaiy» JŞS mamandandyrylǧan jobalau ūiymyn tarta otyryp, «A» ruldık joly men perronnyŋ jasandy jabyndaryn rekonstruksiialauǧa jobalau-smetalyq qūjattama äzırledı. Äzırleudıŋ jalpy qūny 71 mln teŋge. JSQ memlekettık saraptamadan ötude, ony aiaqtau 2024 jyldyŋ 2 toqsanynda josparlanyp otyr. Memlekettık saraptamanyŋ oŋ qorytyndysyn alǧan jaǧdaida merdıger ūiymdy aiqyndau boiynşa konkurs ötkızıletın bolady.
