Álemniń myqty karatısterin jınaıtyn Dageki World Full Contact Karate Championship-2024 dodasyna Qazaqstannan qatysqan sportshylar komandalyq esepte 1-oryn aldy. Altyn medal alǵan tájirıbeli sportshy azamattar ishinde 17 jasar Dıana Esjanova da bar.
Elimizdiń namysyn qorǵap Kanadaǵa barǵanQazaqstan quramasynda 21 sportshy bolsa, onyń on biri Qaraǵandydan barǵan. 17-19 mamyr aralyǵynda ótken chempıonatta ulttyq quramanyń jas órenderi jalpy sany 9 medal ıelense, onyń tórteýi – altyn, ekeýi – kúmis, ekeýi – qola. Osylaısha jalpykomandalyq esepte Qazaqstan Japonııanyń aldyna túsip, 1-orynǵa jaıǵasty.
Monreal qalasynda ótken sporttyq sharaǵa 12 memleketten álemniń 800-ge jýyq eń myqty sportshylary jınaldy. AQSh, Japonııa, Kanada syndy alpaýyt elderdiń ortasynda qazaq sportshylary baryn saldy. Barlyq báseke tikeleı efırde translıaııalanyp, álemniń túkpir-túkpirinde otyrǵan jankúıerlerdiń delebesin qozdyrdy.
Osyndaı aıtýly synda altynnan alqa taqqanbizdiń karatıster – Tımýr Raıymbekov, Artıom Redın, Muhtar Ábishev jáne Dıana Esjanova.
On jeti jasar Dıana Esjanova – Qaraǵandy ekonomıka, quqyq jáne bıznes kolledjiniń 3-kýrs stýdenti. Bapkerleri Dıananyń qaısar minezine tánti bolǵanyn aıtady. «Dıananyń Aqjoltaı Aǵybaı batyrdyń tikeleı urpaǵy ekenin jaqsy bilemiz. Dál osy halyqaralyq synda Dıana jas bolsa da, ójet rýhymen, tabandylyǵymen jáne myqty fızıkalyq daıyndyǵymen erekshe kózge túsip, top jardy», – deıdi bapkeri T. Raıymbekov.
«Birinshi básekege AQSh sportshysymen tústim. Ony jeńgen soń, Kanadalyq sportshymen baq synastym. Ata-anam jáne ájem Qanaǵat Tarǵynqyzy meni batyrlarǵa tán ór rýhta tárbıelegen. Erik-jigerimdi qaırap, jeńisti qoldan bermedim», – deıdi altyn qyz Dıana Dýlatqyzy.
Qazaqstan quramasynyń kelesi maqsaty – 2024 jyldyń 1-2 tamyzynda Astanada ótetin Azııa chempıonatynda laıyqty óner kórsetý. Aıta keter bolsaq, Kanadada ótken sońǵy «Dageki 2016» chempıonatynda Qazaqstan 1 altyn, 2 qolamen oralǵan bolatyn.
Alma Saılaýqyzy
